16 Naýryz, 2020 NEWS

Tótenshe jaǵdaı sheńberinde respýblıka sottarynyń jumys tártibi ózgerdi

Foto Joǵarǵy sot baspasóz qyzmetinen

Joǵarǵy Sottyń baspasóz hatshysy Aıdos Sádýaqasov facebook-te COVID-19 jańa koronavırýsynyń pandemııalyq sıpat alýyna baılanysty memleket basshysynyń respýblıkada tótenshe jaǵdaı engizýine qatysty birqatar sharalardy qabyldaǵanyn málim etti.

"1. Prosestik merzimderi bar sot isterin qaraý keıinge shegerildi (sonyń ishinde toqtata turý, keıinge qaldyrý, merzimderin uzartý jáne t.b.).
2. Sot prosesterin aqparattyq tehnologııalardyń kómegimen qashyqtyqtan júrgizý usynylady (beınebaılanys, sonyń ishinde «TrueConf» mobıldi qosymshasy arqyly).
3. Ruqsat etýdiń qysqartylǵan merzimderine (tergeý sottary, jedeldetilgen buıryqtyq, kelisilgen is júrgizýdegi jáne t.b. ister) baılanysty qylmystyq ister men materıaldardy, úkimderdi oryndaý tártibindegi, sondaı-aq adamdardy ustaýmen nemese qamaqqa alýmen baılanysty isterdi qaraýdy joǵaryda atalǵan usynymdardy eskere otyryp, barynsha oqshaýlanǵan jáne proseske qatysatyn adamdardyń qaýipsizdigi jaǵdaıynda júzege asyrý usynylady.
4. Respýblıkanyń barlyq sottarynda azamattardy jeke qabyldaý tótenshe jaǵdaı aıaqtalǵanǵa deıin toqtatylady.
5. Sottarǵa Úkimet usynǵan, sonyń ishinde dene temperatýrasyn ólsheý, gıgıenalyq jáne zararsyzdandyrý quraldaryn qoldanýdy kózdeıtin aldyn-alý sharalaryn qoldaný qajettigi eskertildi.
6. Semınarlar, konferensııalar, jumys otyrystaryn ótkizý, sondaı-aq sot ǵımarattarynan tys jerlerde ótetin is-sharalarǵa sýdıalar men sot qyzmetkerleriniń qatysýy toqtatylady.
7. Turǵyndarǵa, atqarýshy jáne quqyq qorǵaý organdaryna, advokattar qaýymdastyǵy men BAQ ókilderine týyndaǵan ahýalǵa túsinistik tanytýdy jáne ótinishterdi/ ister men materıaldardy sotqa berýdi neǵurlym keıinge shegerýdi suraımyz.
Joǵarǵy Sot atalǵan shekteýlerdi qabyldaı otyryp, adamnyń ómiri men densaýlyǵy eń basty qundylyq ekendigin atap ótedi. Qabyldanyp otyrǵan sharalar azamattardyń ómiri men densaýlyǵyna tónetin qaýip-qaterlerdi barynsha azaıtýǵa baǵyttalǵan. Mundaı sharalar álemniń kóptegen elderinde qoldanylýda" delingen aqparattyq habarlamada.

<iframe src="https://www.facebook.com/plugins/post.php?href=https%3A%2F%2Fwww.facebook.com%2FAidosSaduakassov%2Fposts%2F2751984648184248&width=500" width="500" height="551" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe>

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir