"Jaǵdaı ýshyǵyp ketti". Mamın mınıstrlerge tapsyrma berdi

Qazaqstan premer-mınıstri Asqar Mamınniń tóraǵalyǵymen ótken Úkimet otyrysynda elde koronavırýs ınfeksııasynyń taralýyna qarsy sharalar qaraldy. Mamın koronavırýsqa baılanysty mınıstrlik ókilderine tapsyrma berdi. Bul týraly Primeminister.kz habarlady.

"Memleket basshysy Qasym-Jomart Kemeluly Toqaev úkimetke halyqty koronavırýs ınfeksııasynan qorǵaý sharalaryn kúsheıtýdi tapsyrdy. Álemde jaǵdaı ýshyǵyp ketti. Vırýs 50-den astam elge taralyp úlgerdi jáne óte belsendi túrde taralýda. Qazirgi kezde Qazaqstanda koronavırýs juqtyrǵan adam joq. Sondyqtan barlyq aldyn alý sharalaryn jalǵastyrý qajet. Vırýs sondaı-aq álemdik ekonomıkaǵa, atap aıtqanda, ónerkásipke, tranzıtke, saýda men eksportqa keri áserin tıgizýde. Osyǵan baılanysty Qazaqstan ekonomıkasynyń turaqtylyǵyn qamtamasyz etý úshin tıisti sharalardy qabyldaý qajet" dedi Mamın. 

Sondaı-aq úkimet basshysy koronavırýs taralǵan elder úshin tranzıttik, elektrondyq, týrıstik vızalardy berýdi toqtatý qajet ekenin aıtty. 

«Indýstrııa jáne ınfraqurylymdyq damý mınıstrligi koronarovırýs belsendi túrde taralyp jatqan elderge turaqty reısterdi shektesin. Sondaı-aq, bizdiń farmasevtıkalyq kásiporyndarda medısınalyq maskalar men basqa da qorǵanys quraldary óndirisin arttyrýdy qamtamasyz etýdi tapsyramyn. Ákimdikter men Eńbek jáne halyqty áleýmettik qorǵaý mınıstrligi koronavırýstyq ınfeksııanyń taralý deńgeıi qolaısyz elderdiń azamattary úshin sheteldik jumys kúshin tartýǵa ruqsat berýdi toqtatsyn" dedi úkimet basshysy.