Foto: Oyan, Qazaqstan-nyń facebook paraqshasynan alyndy

Almatydaǵy respýblıka alańynda polısııa "ruhsat etilmegen" mıtıngige shyqqandardy ustap jatyr.

Búgin, ıaǵnı 1 naýryz kúni Dempartııa qurý boıynsha yntaly top ókilderi, Respýblıka, Oyan, Qazaqstan qozǵalystary, sondaı-aq Qazaqstanda "ekstremıstik uıym" dep tanylǵan "Qazaqstannyń demokratııalyq tańdaýy" (QDT) qozǵalysy  beıbit mıtıngige shaǵytynyn habarlaǵan bolatyn.

Almatydaǵy respýblıka alańynda júrgen Qamshy tilshisi polısııa qyzmetkerleri men arnaıy jasaq ókilderi alańdy tolyqtaı qorshaýǵa alǵanyn, qalalyq ákimdik mańynda mobıldik ınternet múlde ustamaı turǵanyn habarlady.

"Respýblıka" alańynda polısııa ondaǵan adamdy ustady. Ustalǵan belsenbilerdiń keıbiri "Oıan, Qazaqstan", Shal ket" dep urandatyp jatyr. Keıbir azamattardyń qolynda tergeý ızolıatorynda "júrek talmasynan qaıtys boldy" delingen qoǵam belsendisi Dýlat Aǵadildiń sýretteri boldy. 

Polısııa ustaǵandardyń arasynda jýrnalıst, "Dat" gazetter jobasynyń jetekshisi Ermurat Bapı de bar.

Nur-Sultan qalasyndaǵy mıtıng ótetin jer delingen orynda da ınternet ustamaı turǵany belgili boldy. Respýblıka qozǵalysynyń facebook-taǵy paraqshasynda alańda baılanys buǵattalýyna baılanysty habar taratý múmkindigi shekteýli ekeni habarlandy. Artynsha, belsendiler Bella Orynbetova, Aısultan Jaqypov, Muratbek Qaıyrjanulyn polısııa ustap alyp ketkenin málimdedi.

Sonymen qatar Oyan, Qazaqstan qozǵalysynyń facebook paraqshasynda birneshe belsendiniń ustalǵany týraly aqparat shyqty. Olardyń qatarynda Baýyrjan Sábıtov, Janel Shahanova, Oljas Shahanov, Ásem Jápisheva, Dildá Ramazan, Aızat Ábilseıt, Tamına Ospanova, Darhan Sháripov, Azıza Esmaǵambetova, Dana Sháripova, Erbolat Aıǵaq, Aına Samatova, Marjan Ýálıhan, Dıana Dúısembaeva, Symbat Omarqulova, Dına Baqraeva, Elmıra Qoıshybekova, Anastasııa Fılıppova syndy azamattar bar.

Buǵan deıin mıtıngige shyqpaq bolǵan Dempartııa yntaly tobynyń jetekshisi men onyń jaqtastaryna shabýyl jasalǵany habarlanǵan bolatyn. Shabýyl saldarynan Janbolat Mamaıdyń zaıyby Inga Imanbaı aýrýhanaǵa tústi.

Ilmek sózder: 1 naýryzdaǵy mıtıng

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir