Nazarbaevty qudaıǵa teńegen aqyn koronavırýsqa qarsy duǵa jazdy

Nazarbaevtar áýletine jyr arnap, óleń shyǵarýmen tanylǵan aqyn Baltabek Nurǵalıev Qytaıda paıda bolyp, búginde álemniń 50-ge jýyq eline tarap úlgergen "koronavırýsqa qarsy duǵa" jazdy. Ony aqyn óziniń facebook-taǵy paraqshasyna jarııalady.

KORONAVIRÝSQA QARSY DUǴA

Koronavırýs! Koronavırýs!
Taraı kórmesin dalama vırýs!
Taraı kórmesin qalama vırýs!
Taraı kórmesin aýaǵa vırýs!

Elime meniń jolama, vırýs!
Elimdi meniń tonama, vırýs!
Kóz tigip bizge qarama, vırýs!
Tarama deımin, tarama, vırýs!

Qaratúnekten jaralǵan vırýs,
Álemge birtin taralǵan vırýs.
Adaldyń jaýy, atyń óshkir-aı,
Túbiriń seniń aramnan, vırýs!

Bireýler úshin paıdasyń, vırýs,
Bireýler úshin aılasyń, vırýs.
Toqtatsyn Alla, joq qylsyn múlde,
Esimiń qanat jaımasyn, vırýs!

Jaqsylyq kútsin, jaqsylyq alda,
Amandyq bersin, amandyq janǵa!
Koronavırýs kesirden saqta
Adamzat úshin tileımin, Alla!

Baltabek Nurǵalıev

Túıin. "Saqtansań, saqtarmyn" degen be edi? Bizdiń elimiz medısınasy myqty el ǵoı! Bizdiń Prezıdentimiz koronavırýstyń bizdiń elge enbeýine, kirmeýine barlyq jaǵdaıdy jasap otyrǵanyna senim kámil!