18 Aqpan, 2020 NEWS

Shuǵyl: Qazaqstannyń qazba baılyqtary taýsylýǵa taıaý

Qazaqstanda ken oryndaryndaǵy qazba baılyq túgesilýge az qaldy. Memleket basshysy Qasym-Jomart Toqaev Úkimetke geologııalyq barlaýdyń memlekettik baǵdarlamasyn ázirleýdi tapsyrǵan.

Foto: aikyn.kz

Bul týraly Qamshy.kz aqparat agenttigi Qazaqparat dáıegine súıene otyryp habarlaıdy.

«QR Tuńǵysh Prezıdenti – Elbasy Nursultan Nazarbaev ekonomıkanyń dástúrli óndirýshi salalarynyń tıimdiligin arttyryp, Qazaqstandy geologııalyq barlaýdyń álemdik naryǵyna shyǵarý mindetin qoıdy. Munaı-gaz ben taý-ken metallýrgııasy salalaryn ornyqty shıkizat bazasymen qamtamasyz etý qajet. Qazirgi ken oryndary birtindep, sarqylýda. Sonymen birge, búgingi kúni Qazaqstan aýmaǵyn zertteý deńgeıi 25 paıyzdan sál ǵana asyp otyr. Osyǵan baılanysty Memleket basshysy Qasym-Jomart Toqaev Úkimetke geologııalyq barlaýdyń memlekettik baǵdarlamasyn ázirleýdi tapsyrdy», – dedi Asqar Mamın.

Premer-Mınıstrdiń aıtýynsha, bolashaq memlekettik baǵdarlamanyń tujyrymdamasy geologııalyq salany damytýǵa baǵyttalǵan. Iаǵnı, Geologııalyq barlaýdyń memlekettik baǵdarlamasyn tıimdi iske asyrý arqyly 1 teńge salyp, salaǵa 4 teńgege deıin qosymsha jeke ınvestısııa tartýǵa bolady.

"Elimizdiń, ásirese monoqalalardyń mańynda mıneraldyq shıkizat bazasyn molyqtyrý ekonomıkaǵa oń áserin tıgizip, ónerkásip salalaryn damytý úshin naqty negiz bolady. Munan basqa, jańa ken oryndaryn ashqan kezde jańa óndiristik keshender qurylady. Bul 6 trln teńgege deıin ınvestısııa tartyp, 20 myńǵa jýyq jumys oryndaryn ashýǵa múmkindik beredi», – dedi Premer-Mınıstr.

Sondaı-aq, Asqar Mamın geologııalyq barlaý jumystaryn júrgizgen kezde geofızıkalyq zertteý men jerdi qashyqtan zondtaýdyń jańa ádisterin qoldaný kerektigin aıta kelip, Ekologııa, geologııa jáne tabıǵı resýrstar mınıstrligine osy jyldyń 31 mamyryna deıin memlekettik baǵdarlama jobasyn Úkimetke engizýdi tapsyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir