Saǵyntaev Almatydaǵy aqyn-jazýshylarǵa grant bermek

Bul týraly Almaty qalasynyń ákimi Baqytjan Saǵyntaev kezekti jıyn barysynda aıtty, dep habarlaıdy Qamshy.kz aqparat agenttigi. 

Baqytjan Saǵyntaevtyń aıtýynsha, mundaı sheshimniń qabyldanýyna bıyl el aýmaǵynda keń kólemde atalyp ótiletin ál-Farabıdyń 1150 jyldyǵy men Abaıdyń 175 jyldyq mereıtoılary sebep bolyp otyr. Iаǵnı, osy oraıda qala ákimdigi tarapynan aqyn-jazýshylarǵa qoldaý kórsetilmek.

«Byltyr Jazýshylar Odaǵynyń 85 jyldyq mereıtoıy joǵary deńgeıde ótti. Jergilikti bıýdjet esebinen 250 mln teńge qarajat bólinip, Jazýshylar Odaǵynyń ǵımaratyna jóndeý jumystary júrgizilýde. Almaty qalasynda turatyn 150 aqyn-jazýshy 500 myń teńgelik aqshalaı grant sertıfıkattarymen marapattalǵan bolatyn. Búgingi tańda Qazaqstan boıynsha Jazýshylar Odaǵynyń 820 múshesi bolsa, onyń 360-y osy Almaty qalasynda turady eken. Bıyl biz ár toqsan saıyn 90 aqyn-jazýshyǵa grant tapsyratyn bolamyz. Bul tizimdi bizge Jazýshylar Odaǵynyń ózi usynyp otyrady. Bul másele qazir bıýdjette naqtylanyp jatyr», - dedi qala basshysy.

Atap óteıik, byltyr jańa jyl qarsańynda Almaty ákimi qaladaǵy 60 aqyn-jazýshyǵa saltanatty túrde arnaıy grant tabystaǵan bolatyn.