Aqtaýda belgisiz ınfeksııadan ekinshi synyp oqýshysy qaıtys boldy, dep habarlaıdy Qamshy.kz aqparat agenttigi Astana arnasyna silteme jasap.

Qaıtys bolǵan balamen baılanysta bolǵan júzdegen adam medısınalyq tekserýden ótedi.

Dárigerlerdiń aıtýynsha, segiz jasar bala aldymen ystyǵy kóterilip kelgennen keıin birneshe saǵat reanımasııada bolǵan. Dárigerler bul “menıngokok” ınfeksııasy dep boljaǵan. Biraq ázirge eshkim ólimniń naqty sebebin aıta almady.

Kóz jumǵan balamen baılanysta bolǵan barlyq balalardy jergilikti aýrýhana tekseristen ótkizýde.

Orynbasardyń jattyǵý zalyndaǵy bapkeri balanyń óte jaqsy nátıje kórsetkenin aıtty. Tipti, balany úlken topqa berýdi josparlaǵan. Alaıda sońǵy jattyǵýyn qaıtys bolardan eki kún buryn ótkizipti.

Alǵashqy sátterde onyń temperatýrasy shamadan tys kóterilgen. Dárigerler oǵan JRVI- ge qarsy dáriler salǵan. Degenmen birneshe saǵattan keıin balanyń hali tym nasharlaǵan soń, Aqtaý qalasyndaǵy oblystyq balalar aýrýhanasyna jetkizedi. Qabyldaý kezinde 2- shi nemese 3- shi dárejeli shok alyp, ICE sındromy bastalyp, qan ketý kezinde, qan toqtatý óte qıyn bolǵan.

Orynbasarmen jattyǵý zalynda bolǵan barlyq balalar  klınıkalyq juqpaly aýrýlar emhanasyna jatqyzyldy.

"Keıbir ata- analar aýrý aýa arqyly taralýy múmkin dep sanaıdy, biraq, Sanıtarly epıdemııalyq beket qyzmetkerleri kelgennen bastap bizge: aýany tolyǵymen ylǵaldandyryp, dymqyl tazartýdy júrgizip, barlyq qubyrlardy ashyp, kvarstardy ótkizińizder, dedi. Sanıtarly epıdemııalyq beket qyzmetkerleri  karantın týraly aıtpady" dep túsindirdi sportzal dırektory Ásem Nysanbaeva.

Ekinshi synyp oqýshysynyń menıngokok ınfeksııasynan qaıtys bolýy týraly dárigerler tek boljam jasady. Bala óliminiń naqty sebebin saraptama nátıjeleri kórsetedi.  Aıta ketetini bar, Orynbasardyń eki inisi de osy sport zalda jattyǵý jasaǵan. Qazir olar da dárigerlerdiń baqylaýynda.

"Qamshy" silteıdi
Ilmek sózder: jumbaq ólim

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir