"Kanelo" qyrkúıekte Golovkınmen úshinshi ret judyryqtasýy múmkin

Ekinshi orta salmaqta WBA (Super) tujyrymy boıynsha álem chempıony ulybrıtanııalyq Kallým Smıttiń (27-0, 19 KO) bapkeri Djo Gallaher suhbattarynyń birinde meksıkalyq Saýl Alvaresti (53-1-2, 36 KO) synǵa aldy, dep habarlaıdy Qamshy.kz aqparat agenttigi Vesti.kz saıtynyń deregin negizge alyp. 

Buǵan deıin Alvarestiń japon boksshysy Rıota Mýratamen (16-2, 13 KO) judyryqtasatyny habarlanǵan. Taraptar 2 mamyrda Japonııada jekpe-jek ótkizýge kelissóz júrgizip jatyr.  "Kanelo" Meıvezerdiń istegenin qaıtalap jatyr - ózine unaıtyndarmen judyryqtasyp júr, qalǵandary onyń qalaýyn ǵana oryndaıdy.

"Eger "Kanelo" Mýratany tańdasa, Kallýmnyń kóńili qalady. Bıllı Djo Sonders te sol. Bári de óz altyn bıletin kútken, biraq ol Mýratanyń qolyna tústi. Muny Meksıkada jaqsy qabyldaıdy dep oılamaımyn. Lıam ekeýimiz sonda bolǵanbyz, sol kezde bári "Kanelonyń" Smıtpen judyryqtasqanyn qalap jatqan edi. Tipti, Arızondaǵy meksıkalyqtar "Kanelo" - Kallým jekpe-jegin kórgisi kelgen. Biraq qyrkúıekte oǵan Kallým ne Golovkınmen judyryqtasýy kerek bolady", - dedi Gallaher. 

Aıta keteıik, DAZN strımıng servısi "Kanelo" men qazaqstandyq Gennadıı Golovkın (40-1-1, 35 KO) jekpe-jegin qyrkúıekte ótkizýdi qalap otyr, sondyqtan servıs meksıkalyq boksshyny mamyrda Mýratamen kezdestirmek.