Býharestten ushyp shyqqan ushaq apatty jaǵdaıda qondy

Londonǵa bet alǵan rýmynııalyq Raıaneır ushaǵy áýege kóterilgen sátte jolaýshylar qoıý tútinge tunshyǵyp, ushaq apatty jaǵdaıda qonýǵa májbúr boldy.

Rýmynııa astanasy Býharestten ushyp shyqqan áýe kemesinde 169 jolaýshy jáne tórt ekıpaj múshesi bolǵan.

Boeing 737-800 ushaǵy tótenshe jaǵdaı oryn alǵanyn habarlap, Otopenı áýejaıyna qaıta kelip qondy. Záresi ushqan jolaýshylar ushaqtan aman-esen túsirildi. Abyroı bolǵanda qurbandar men zardap shegýshiler joq.

Seısenbi kúni tańerteń Londonnyń Stanstend áýejaıynan saǵat 6:40-ta ushyp ketýi tıis ushaq tehnıkalyq aqaý saldarynan usha almady. Jolaýshylar biraz ýaqyttan keıin basqa ushaqpen jergilikti saǵat 10:57-te ushqan. Alaıda ushaq áýege kóterilgen sátte, kapıtan Moıdeı qaıta qoný qajettigin habarlap, tótenshe jaǵdaı jarııalady. Ushaq 1500 metr bıiktikke kóterilgen kezde, salonnyń ishi qoıý tútinge tolyp, jolaýshylar túgel dúrlikti.

Ushaq áýejaıǵa qonǵannan keıin jolaýshylar áleýmettik jelige bastarynan ótken jaǵdaı týraly bólise bastady. Solardyń biri Kosmın Malýreaný bylaı dep jazdy:

"Bul maǵan óteý aýyr soqqy boldy, salonnyń ishi tútinge tolyp ketti. Tipti aldymyzdaǵy ekinshi qatar bizge kórinbeı qaldy. Apatty jaǵdaıda avtomatty túrde túsetin ottegi maskasy bolmady"

MailOnline baspasóz hatshysynyń habarlaýynsha, Býharest-London reısi tehnıkalyq aqaýlarǵa baılanysty keshiktirilgen. Jolaýshylardy tezirek dittegen jerlerine jetkizý maqsatynda, olar qyzdyrylmaǵan ushaqqa otyrǵyzylǵan.

Oqıǵaǵa qatysty tergeý jumystary júrgizilýde. Ushaq ishine tútinniń taralý sebebi ázirge belgisiz.