Shymbulaqta shańǵy tebý qansha turady? (ınfografıka)

Shańǵy tebý úshin neni bilý kerek?

Shańǵymen syrǵanaý úshin eki nárse satyp alý kerek.

Alǵashqysy – shańǵy nemese snoýbordtan bastap, shalbar, kúrte, qolǵap, shlem, kózáınek syndy syrǵanaýǵa arnalǵan jabdyqtar. Shańǵy tebýge ketetin shyǵynnyń kóp ıa az bolýy osy qajetti jabdyqtarǵa ketetin qarajat kólemine qaraı anyqtalady. Atalǵan kerek-jaraqty Shymbulaqtyń ózinen de, ózge jerlerden de alýǵa bolady.

Ekinshi satyp alatyny – abonement. Ol Medeý – Shymbulaq arasyn jalǵaıtyn aspaly jolmen júrýge, túrli deńgeıdegi syrǵanaqtarda shańǵy tebýge múmkindik beredi. Abonement Shymbulaqqa aparatyn aspaly jolǵa kireberistegi kassalarda, Shymbulaqtyń ózindegi kassalarda jáne Shymbulaq saıtynda satylady.

Kerek-jaraqty Shymbulaqtan alý qansha turady?

Shymbulaq jabdyqtardyń baǵasy arzan emes. Shańǵy tebýge arnalǵan qural-jabdyqtardy jaldaý 20 myń teńgeden bastalady. Shymbulaqta qolǵap jalǵa berilmeıtinin eskerte ketken jón bolar. Ony basqa jerden satyp ıa bolmasa jalǵa alýǵa týra keledi.

Abonement baǵasy qaı kúni jáne qaıdan alatynyńyzǵa qaraı ártúrli bolady. Máselen, jumys kúnderi kassada 6500 teńge, senbi, jeksenbi kúnderi 9500 teńge turady. Al Shymbulaq saıtynan jumys kúnderi 6175 teńgege, senbi-jeksenbide 9025 teńgege alýǵa bolady.

Shańǵy tebýge arnalǵan zattar men abonementti qosqanda bir kúndik demalysqa kem degende 27 000 – 30 000 teńge aralyǵynda qarajat qajet.

Shańǵy tebýdiń arzan joly

Syrǵanaýǵa arnalǵan dál osyndaı kerek-jaraqty shamamen úsh ese arzan baǵaǵa usynatyn biregeı oryn bar. Ol –  birneshe jyldan beri tabysty jumys istep kele jatqan Skadi dúkender jelisi. Búginde jeliniń 5 dúkeninde jazda – taýǵa jaıaý nemese velosıpedpen shyǵýǵa qajetti zattar, qysta – taýda syrǵanaýǵa arnalǵan jabdyqtar jalǵa beriledi. Keler jyly О́zbekstan men Qyrǵyzstan naryǵyna shyǵýdy kózdep otyr.

Dúkendegi qyzmet túrleriniń quny – qol jetimdi. Jalǵa beriletin jabdyqtar jańa ári sapaly. Kıimder taza, jeńil, yqsham, jyly, sý ótkizbeıdi. Udaıy bakterııaǵa qarsy sharalar jasalyp, kıimniń tazalyǵyna qatty mán beriledi. Shańǵy men snoýbordtyń sanalýan túri bar. Dúken basshylyǵy arzan baǵada qyzmet usyný arqyly qazaqstandyqtardy belsendi demalysqa baýlýdy maqsat etken.

Skadi dúkenderi usynatyn syrǵanaýǵa arnalǵan jabdyqtardyń tolyq komplekti (shańǵy nemese snoýbord, arnaıy aıaq-kıim, shalbar, kúrte, qolǵap, shlem, kózáınek) 23 jasqa deıingi stýdentter úshin 5000 teńge, eresekter úshin – 7500 teńge turady. Olardy jeke-jeke jalǵa alýǵa da bolady. Máselen, shańǵy men snoýbord arnaıy aıaq-kıimmen qosa bar bolǵany 2000 teńge. Kúrte men shalbar da sol baǵada. Shlem men kózáınek 1000 teńge, qolǵap 500 teńge. Shańǵyǵa arnalǵan taıaqshalar tegin. Arnaıy karta – skıpastyń quny 500 teńge. Skıpasty aspaly jol kabınalaryna kirgizetin, Shymbulaq kireberisindegi jáne syrǵanaıtyn oryndardaǵy beltemirlerden ótkizetin kilt dese bolady.

Kerek-jaraqty alǵannan keıingi kelesi qadam – abonementke tóleý. Tólem jasaý úshin Shymbulaq saıtyna kirip, "satyp alý – abonementter men bıletter – kúndizgi abonement – abonement sany" komandalaryn tańdaý kerek. WTP bılet degen tusqa skıpastyń biregeı nomerin engizip, bank kartasyn tirkep, abonementti satyp alý qajet.

Osylaısha, Skadi dúkeni arqyly shańǵymen syrǵanaýǵa jumys kúnderi 14 myń teńge, senbi, jeksenbide 17 myń teńgege jýyq qarajat ketedi. Tańǵy jeti jarym men keshki jeti jarym aralyǵynda taýda tynyǵý osynsha turady. Al keshki ýaqytta syrǵanaǵysy keletinder úshin arnaıy abonement bar. Ol tipti arzan. 19:30 ben 23:00 aralyǵynda syrǵanaý – 13500 teńge.

Dúkenniń tańǵy 07:30-dan túngi 01:00-ge deıin isteıtini syrǵanaýǵa erte baratyndar úshin de, keshtetip, jumystan keıin baratyndarǵa da asa yńǵaıly. Dúkenderdiń ornalasqan jeri de jaıly. Máselen, iri dúkenderdiń biri Dostyk Plaza saýda úıiniń mańynda, avtobýs aıaldamalarynyń janynda oryn tepken. Dúken mańyndaǵy aıaldamadan Medeýge qatynaıtyn №12 avtobýs ár 15 mınýt saıyn júredi. Medeýden ary qaraı aspaly jol arqyly 20 mınýtta Shymbulaqqa jetýge bolady.

Shymbulaqtaǵy tamaqtanatyn oryndardaǵy baǵa qaladaǵydan anaǵurlym qymbat. Aqsha únemdegisi kelgen demalýshylar ózimen birge ystyq shaı, taǵam alyp barýdy jón kóredi.