25 Jeltoqsan, 2019 Aımaqtar
Qamshy.kz
«Kórkemdik-beıneleý óneri galereıasy» – tarazdyqtar men qala qonaqtaryna qazirgi zamanǵy beıneleý ónerin jańa baǵytta tanystyrýǵa múmkindik bermek. Ol – oblystyń 80 jyldyq mereıtoıyna oraı ashylǵan «Kóne-Taraz» tarıhı-etnomádenı keshenindegi basty nysandardyń biri. Jańa ǵımarat óńirdegi beıneleý ónerin damytýǵa, nasıhattaýǵa jáne qylqalam ıeleriniń shyǵarmashylyqtaryn damytýǵa negizdelgen. Qazaq jáne sheteldik sýretshilerdiń keskindemelerin jáne shyǵarmashylyq týyndylary ornalasqan galereıada belgili sýretshilerdiń jeke kórmeleri shyǵarmashylyq jáne balalar kórmeleri t.b is-sharalar ótip otyrady.
Ǵımarattyń jalpy aýmaǵy 3000 sharshy metrden asady. Ǵımarat eki qabattan turady. Birinshi qabatynda 600 sharshy metrdi quraıtyn úlken kórme zaly, Brıýmmer zaly, Gobelen saqtaý qory, zerthana, garderob ornalasqan.
Aıta keteıik, nysannyń ashylý saltanatyna oraı birinshi qabattaǵy kórme zalynda QR Sýretshiler odaǵynyń keskindemeshi-sýretshileriniń týyndylarynan jasaqtalǵan «Qazaqstannyń beıneleý óneri» atty kórme kópshilik nazaryna usynyldy. Onda О́.Jubanııazovtyń, A.Kazgýlovtyń, S.Aljanovtyń, J.Kaırambaevtyń, T.Kojagýlovtyń, O.Esenbaevtyń tamasha týyndylary qoıylǵan. Sondaı-aq Jambyl jerinen shyqqan QR Sýretshiler Odaǵynyń músheleri: Q.Amanqosovtyń, S.Azızovtyń, G.Tıannyń, R.Saparalıevanyń, K.Temirhannyń, A.Nazarquldyń, N.Denısovtiń jáne t.b. beıneleý óner sheberleriniń týyndylary jáne jas daryndy sýretshilerdiń shyǵarmalary da kórmeden oryn alǵan.
Al L.Brıýmmer zalynda álem sýretshileriniń katalogine engen Leonıd Brıýmmerdiń qyl qalamynan shyqqan týyndylary oryn alǵan. О́miri qıyn-qystaý, joqshylyqpen ótkenine qaramastan, óner ıesi sýretterin satyp, baıýdy oılamady. О́miriniń sońy qaıǵyly, qasiretti bolǵanyna qaramastan ómir boıy salǵan týyndylaryn keńpeıil, ózine qushaǵyn ashqan qazaq halqyna shashpaı-tókpeı qaldyrýǵa umtyldy. Talantyna bas ıip, álem baǵalaǵan sýretterin tegin, syıǵa tartqan azamatty Tarazdyń sónbes juldyzdarynyń biri dep aıtpasqa bolmaıdy.
Brıýmmerdiń qordaǵy 1200-ge jýyq eńbegi arqyly Tarazdyń burynǵy kórinisterin kóresiz, ózińizge tanys jerlerdi tanısyz. Onyń óz ómiriniń sońǵy jyldaryn ótkizgen qalasyna degen erekshe súıispenshiligin 1971 jyly bizdiń mýzeıge syılaǵan muralarynan bilesiz.
Al ekinshi qabatynda qalpyna keltirý sheberhanasy, jumys kabınetteri oryn alǵan. Onda bolashaqta balalardy beıneleý ónerine baýlıtyn beıneleý óneri úıirmesin ashý josparlanýda. Beıneleý óneri úıirmesinde balalar shyǵarmashylyǵyn damytyp, sýret salý ónerin úırense, qalpyna keltirý sheberhanasynda túrli jádigerlerdi qalpyna keltirý jumystary júrgiziledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir