• USD 389.52
  • EUR 429.21
  • RUB 6.07
  • CNY 54.94
29 Qańtar, 21:54:02
Qazaqstan Ýkraınanyń saýda naryǵyna alańdaýly

25 Jeltoqsan, 2019 Aımaqtar

Alyp saǵat Tarazdyń brendine aınalady

Qamshy.kz

«Saǵat»  stelasy –  «Kóne-Taraz» tarıhı-etnomádenı keshenindegi alańnyń ortasynda ornalasqan bıik nysan. Ol shahardyń kez kelgen bóliginen kózge kórinetindeı etip salynǵan. Stelanyń bıiktigi – 40 metr. Saǵattyń dıametri – 4 metr. Stela Samarqan kirpishimen, maıolık tasynan daıyndalǵan. Al saǵat Reseıdiń Sankt-Peterbýrg qalasynda jasalynǵan. Mundaı alyp «Saǵat» stelasy elimizde alǵash ret Tarazda boı kóterip otyr.  Ol óńirdegi eń bıik stelalardyń biri retinde tanylýda.

Alyp saǵat tili «Nur-Sultan» qalasynyń ýaqyt ólshemimen birdeı júrip otyrady. Árbir saǵat saıyn qońyraý soǵylyp, zoraıtqysh dybyspen belgi berilip otyrady.

Úsh bólikten turatyn saǵat qurylysynyń negizgi irgetasy  tórt tuǵyrly bıik baǵanalarmen bekitilgen. Nysannyń túgel bolmysy orta ǵasyrlyq shyǵys úlgisinde árlengeni kelýshilerge ádemi áser syılaıtyny sózsiz.

Aıta ketý kerek, atalǵan stela ornatylǵan aýmaqta  buryn Jyr alyby – Jambyl Jabaevtyń eskertkishi turǵan bolatyn. Oblysqa esimi berilgen  aqynnyń alyp eskertkishi óńirdiń bas ǵımaraty oblys ákimdigi ǵımaratynyń aldyndaǵy alańshaǵa kóshirilgen soń, bul orynǵa qandaı stela ornatýǵa bolatyndyǵy qala qurylysynyń keńesinde talqylanyp, saralandy. Keńes músheleriniń kópshiliginiń qoldaýymen atalǵan aýmaqqa «Saǵat» stelasyn ornatý oń sheshim bolyp qabyldandy. Ondaǵy maqsat – Taraz eki dáýirden astam tarıhy bar qala desek, keshendegi «Saǵat» stelasy ótken men búginniń, bolashaqtyń arasyndaǵy berik dánekeri, ǵasyrlar men dáýirlerdiń ólshemi ekendigin aıǵaqtap turý.

Mundaı alyp saǵat álem elderiniń beldi qalalarynda bar ekendigi belgili. Máskeýdegi Kremlde,  Londondaǵy Bıg-bende jáne Mekkedegi bıik munaraly saǵattar sonyń aıǵaǵy. Tarıhı Tarazdyń tańǵajaıyp kesheniniń aýmaǵynan boı kótergen «Saǵat» stelasy da kelýshilerdiń qyzyǵýshylyǵyn oıatyp, týrıster tartýǵa óz yqpalyn tıgizedi dep kútilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir