• USD 389.52
  • EUR 429.21
  • RUB 6.07
  • CNY 54.94
28 Qańtar, 14:40:35
Qazaqstan Ýkraınanyń saýda naryǵyna alańdaýly

20 Jeltoqsan, 2019 NEWS

Toqaev: Bizge parlamenttik oppozısııa ınstıtýty qajet

Akorda.kz

Qazaqstan prezıdenti Qasym-Jomart Toqaev elde parlamenttik oppozısııa ınstıtýty qajet ekenin aıtyp, úkimetke tıisti usynystar men zań jobasyn ázirlep, parlamentke engizýdi tapsyrdy. Toqaev bul týraly búgin, 20 jeltoqsanda ótken ulttyq qoǵamdyq senim keńesiniń ekinshi otyrysyndaı aıtty. 

Onyń aıtýynsha, bılik balama pikirler men qoǵamdyq talqylaý toqyraýdyń basy emes, damýdyń basty talaptarynyń biri ekenine kóz jetkizgen.

- Bizge parlamenttik oppozısııa ınstıtýty qajet. Biz jańa qoǵamdyq paradıgmanyń basty sharty balamaly kózqarastar men pikirler ekenin túsinýimiz kerek. Sońǵy jyldary óz ustanymdaryn ashyq bildirip júrgen belsendi azamattar birqatar áleýmettik-ekonomıkalyq máseleni sheshýge atsalysty. Biz balama pikirler men qoǵamdyq talqylaý toqyraýdyń basy emes, damýdyń basty talaptarynyń biri ekenine kóz jetkizdik. Sondyqtan parlamenttegi saıası azshylyqtyń negizin zań júzinde bekitý qajet, - dedi Toqaev.

Prezıdent bul úshin parlament týraly zańdy saıası azshylyqqa kepildik beretin normalarmen tolyqtyrý qajet ekenin atap ótti. 

"Mysaly, basqa da partııalardyń ókilderi parlamenttegi keıbir komıtetterdiń tóraǵasy laýazymyn ıelene alatyndaı jaǵdaı jasaý kerek. Bul bıliktiń zań shyǵarý tarmaǵyndaǵy balamaly qyzmettiń júıeli jumysyn qamtamasyz etýge múmkindik beredi", - dedi ol.

Keńes otyrysynda Toqaev osy jáne basqa da bastamalar boıynsha úkimetke prezıdent ákimshiligimen birlesip, tıisti usynystar men zań jobalaryn ázirlep, parlamentke engizýdi tapsyrdy.

 




Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir