• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:49:04
Qazaqstan Ýkraınanyń saýda naryǵyna alańdaýly

29 Qarasha, 2019 NEWS

B. Saǵyntaev: Almatynyń zákirli ınvestorlarymen quny $7,5 mlrd bolatyn 58 ınvestısııalyq joba júzege asyrylýda

Qala ákimi B.Saǵyntaev OKQ ótken brıfıngte qalany damytý úshin ınvestısııa tartýdyń sharalary týraly málimdedi. Almaty eldegi bıznes júrgizý úshin eń qolaıly aımaq bolyp tabylady.

Doingbusiness qosalqy ulttyq reıtınginiń nátıjeleri boıynsha el aımaqtary arasynda Almaty birinshi orynǵa ıe boldy.

«Taǵy bir eskeretin jáıt – osy jyldyń qyrkúıek aıynda Fitch agenttigi bizdiń qalaǵa Qazaqstannyń egemen reıtıngi deńgeıinde «VVV» nesıelik reıtıngin berdi. Ol ınvestısııa úshin táýekelderdiń tómen deńgeıin bildiredi jáne qala úshin uzaq merzimdi qarjylandyrýdy tartýǵa múmkindik beredi», – dep atap ótti qala ákimi Baqytjan Saǵyntaev.

Iri zákirli ınvestorlardy tartý úshin onyń qurylymynda AlmatyInvest qura otyryp, «Almaty» ÁKK qyzmeti qaıta quryldy. Búgingi kúni quny 7,5 mlrd. dollar bolatyn 58 ınvestısııalyq joba jumys isteýde.

«Bizge álemdik ınvestısııalyq radar kartasyna kirý qajet. Jaqynda Almatyda ótken ınvestısııalyq forým ınvestorlardyń bizdiń megapolıske jáne onyń damý josparlaryna degen úlken qyzyǵýshylyǵyn kórsetti. Biz osy baǵytta belsendi jumys isteımiz», – dep atap ótti qala ákimi B. Saǵyntaev.

Esterińizge sala keteıik, 27 qarashada Almaty Investment Forum 2019-ǵa 700-den astam isker top ókilderi tirkeldi, onyń ishinde 142-i sheteldik, 126-i Qazaqstandaǵy halyqaralyq kompanııa ókilderi. Forým qorytyndysy boıynsha memlekettik organdar men bıznes-qaýymdastyqtar arasynda 2,3 mlrd dollar somaǵa yntymaqtastyq pen ózara túsinistik týraly 30-dan astam memorandýmǵa qol qoıyldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir