• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:52:24
Qazaqstan Ýkraınanyń saýda naryǵyna alańdaýly

28 Qarasha, 2019 Barlyq aımaqtar

"Bolashaqtyqtar" balalarǵa arnalǵan 33 gollıvýdtyq fılmdi qazaq tiline aýdardy

Keshe elordada memlekettik tilge dýblıajdalǵan «Muzdy О́lke-2» («Holodnoe serdse-2») fılminiń aldyn-ala kórsetilimi ótti. Bul – «О́zińnen basta» jobasy aıasynda qazaq tiline aýdarylǵan 33-i gollıvýdtyq ónim. Joba 2011 jyldan bastap «Bolashaq» korporatıvtik qory men «Meloman» kompanııasynyń bastamasymen júzege asyrylýda.

«Bolashaq» korporatıvtik qory qamqorshylyq keńesiniń qurmetti múshesi Baýyrjan Baıbek Tuńǵysh Prezıdent Nursultan Nazarbaevtyń bastamasymen qolǵa alynǵan «Bolashaq» baǵdarlamasynyń arqasynda qazaqstandyq myńdaǵan jasqa álemniń eń ozyq oqý oryndarynda sapaly bilim alýǵa múmkindik berilgenin tilge tıek etti. 2011 jyly baǵdarlama túlekteri arnaıy qor qurdy. Qor balalarǵa arnalǵan qaıyrymdylyq jáne bilim berý jobalarynan bólek, memlekettik tildi nasıhattaýdy da óz mindetine alǵan-dy.

«8 jyl ishinde el  bolashaǵyna beıjaı qaramaıtyn demeýshiler men qamqor jandardyń qoldaýynyń arqasynda, balalarymyzǵa arnalǵan 33-i gollıvýdtyq fılmdi memlekettik tilge aýdardyq. 2011 jyly joba alǵash iske qosylǵan kezde elimizdiń Tuńǵysh Prezıdenti Nursultan Nazarbaev bul isimizdi qoldady. Elbasy jańa mazmun arqyly qazaq tilin damytýǵa jaǵdaı jasaýdyń mańyzdylyǵyna toqtalǵan bolatyn. Bul týraly Memleket basshysy Qasym-Jomart Toqaev ta aıtty. Sondyqtan, bir aı buryn ǵana «Nur Otan» partııasy tarapynan memlekettik tildi nasıhattaýdyń tıimdi tetikterin ázirleý úshin arnaıy top qurdyq. Osy oraıda, «О́zińnen basta» jobasynyń barlyq qatysýshysyna alǵysymdy bildiremin. Fılmderdi aǵylshyn tilinen qazaq tiline dýblıajdaý kezinde bizdiń aýdarmashylarymyz qazaq ádebıeti klassıkteriniń shyǵarmalarynan úzindiler keltiredi. Bul fılmde Abaıdyń «Kúz» jáne «Ǵashyqtyń tili tilsiz» óleńderin tyńdaı alasyzdar. Olaı bolsa, ataqty gollıvýdtyq fılmdi ana tilimizde tamashalaýǵa barsha qazaqstandyqtardy shaqyramyn», - dedi Baýyrjan Baıbek. 1111

«Bolashaq» qamqorshylyq keńesiniń tóraıymy Dınara Shaıjúnisovanyń aıtýynsha, erik-jigeri muqalmaǵan eki qyzdyń ómiri týraly baıandaıtyn bul kartınanyń taqyryby bizdiń elimiz úshin de ózekti. О́ıtkeni, búgingi tańda qazaqstandyq áıelderdi eldiń qoǵamdyq-saıası ómirine belsendi qatysýǵa shaqyryp jatqany belgili. Osydan birneshe kún buryn «Nur Otan» partııasynyń alańynda Nursultan Nazarbaev árbir máslıhattyń saılaýaldy partııalyq tiziminiń kem degende 30% -yn áıelder quraýy  kerek dep atap ótken bolatyn.

«Búgingi tańda áıel - ana, jubaı, qyz ǵana emes, sonymen qatar, jumysshy, qyzmetker, basshy sııaqty kóptegen áleýmettik rólderdi de atqaryp júr. Mundaı fılmder qyzdarǵa batyl, senimdi bolýmen qatar, jaqyndaryń men ómir súrip otyrǵan qoǵamdaǵy beıbitshilikti baǵalaı bilýdiń mańyzdylyǵyn kórsetedi », - dedi Dınara Shaıjúnisova. 1111

Dısneıdiń 6 jyl buryn túsirilgen úzdik týyndysy – «Muzdy ólke» fılminiń jalǵasy qazirdiń ózinde álemdik prokatta eń kóp qarjy jınaǵan ónimder qataryna enip otyr. Synshylardyń pikirinshe, ekinshi fılmniń jelisi kúrdelene túsken.

О́z kezeginde, dýblıaj komandasyndaǵylardyń aıtýynsha, basty keıipkerdiń róline laıyqty aktrısa tabý dýblıaj tarıhynda eń qıyn jáne uzaq jumys bolǵan. Kastıngte Nur-Sultan, Almaty jáne Qaraǵandy qalalarynan 40-tan astam akter qatysyp, nátıjesinde basty keıipker Anna Nazerke Serikbolqyzynyń, al Elza Begimnur Halılanyń daýysymen «sóıledi».

BI Group qurylys holdınginiń ókili Qaırat Shaıahmetovtiń aıtýynsha, kompanııa áleýmettik mańyzy bar jobalarǵa erekshe mán beredi. Sondyqtan BI Group osyndaı mańyzdy jobaǵa rızashylyqpen at salysady.  

«О́zińnen basta» jobasyn aıasynda qazaq tiline 33 gollıvýd kınokartına dýblıajdaldy. Olardyń ishinde «Kólikter 2», «Kek alýshylar: Altron dəýiri», «Batyl júrek», «Koko qupııasy», «Moana», «Malefısenta», «Aladdın», t.b. fılmder bar. Qazaq tili túrik tilinen keıin dýblıajda ekinshi túrki tili bolyp tur jáne "Walt Disney" kompanııasynyń tarıhynda 39-shy; "Sony Pictures" úshin — 7-shi orynda. Shyǵys Eýropa men TMD elderi úshin shyǵarylatyn Blu-Ray-da kórýge arnalǵan qoljetimdi gollıvýdtyq fılmderdiń 7 negizgi tilder qataryna kirdi.

«О́zińnen basta» jobasynyń seriktesi - Reseı men TMD-daǵy eń iri ivi onlaın-kınoteatry, munda arnaıy bólimde qazaq tiline dýblıajdalǵan gollıvýdtyq kartınalardy kórýge bolady. 1111

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir