Qazaqstannyń bilim jáne ǵylym mınıstrligine qarasty Ulttyq testileý ortalyǵynyń burynǵy bas dırektory Ramazan Álimqulov para alǵany úshin sottaldy. Bul týraly sybaılas jemqorlyqqa qarsy is-qımyl agenttiginiń baspasóz qyzmeti málimdedi.


Vedomstvonyń habarlaýynsha,  mamyr aıynda para aldy degen kúdikke ilingen Álimqulovtyń isine qatysty júrgizilgen sotqa deıingi tergeý aıaqtalǵan.

"Ol qonaqúı qyzmetin kórsetý boıynsha sharttardy buzbaı, uzartyp, ondaǵy oryndalǵan jumys aktilerine kedergisiz qol qoıdy, sondaı-aq 5 mln teńge somasynda para aldy dep aıyptaldy. 22 qarashada Nur-Sultan qalasynyń qylmystyq ister jónindegi mamandandyrylǵan aýdanaralyq sotynyń úkimimen Álimqulov para aldy dep aıyptalyp, 3,5 jylǵa bas bostandyǵynan aıyryldy. Atalǵan tulǵa memlekettik qyzmette laýazym ıelený quqyǵynan ómir boıyna aıyryldy» delingen agenttiktiń habarlamasynda. 

Ramazan Álimqulov bıyl mamyr aıynda "deldaldar arqyly júıeli túrde iri kólemde para alǵan" degen kúdikpen ustalǵan.

 

 



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir