22 Qarasha, 2019 NEWS
Oralda 10 jasar qyzdyń qazasynan keıin jol qaýipsizdigi sharalary kúsheıtiledi, – dep Qamshy.kz aqparat agenttigi habarlaıdy.
Bul týraly búgin oblystyq máslıhattyń sessııasy kezinde óńir basshysy Ǵalı Esqalıev málim etti.
"Sońǵy kezdegi jol-kólik oqıǵalarynyń kóbeıýi bárimizdi alańdatyp otyr. Ásirese, qarshadaı qyzdyń qyrshyn ketýi qabyrǵamyzǵa aıazdaı batty. Jol apaty kósheniń jaryqtandyrylmaǵan, qarańǵy tusynda oryn aldy. Osy oqıǵaǵa baılanysty Oral qalasynyń ákimi Abat Shynybekovke sógis jarııalandy. Jol qaýipsizdigin qatań qadaǵalaýdy sondaı-aq BQO polısııa departamentine tapsyramyn", – dedi oblys ákimi Ǵalı Esqalıev.
Sondaı-aq oblys ákiminiń orynbasary Amanjol Alpysbaev jetekshilik etetin vedomstvoaralyq sarapshy top quryldy.
Eske salsaq, Oralda 10 jasar qyzdy qaǵyp, qashyp ketken júrgizýshiniń ustalǵanyn, al qyzdardyń máıitin aýystyryp jibergenderdiń jaýapqa tartylǵanyn jazǵan bolatynbyz.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir