Ońtústik astanada Máskeýdiń mádenı kúnderi ótedi

Almatyda 15-16 qarashada qalalar arasyndaǵy seriktestik jáne baýyrmaldyq qatynastardyń 25 jyldyǵyna oraılastyrylǵan  Máskeýdiń mádenı kúnderi ótedi.

Eń basty oqıǵa Máskeý úkimetiniń Ekonomıkalyq konferensııasy bolmaq, onyń aldynda Almaty qalasynyń ákimdigi men Máskeý úkimeti 2020-2023 jyldarǵa arnalǵan yntymaqtastyq týraly memorandýmǵa qol qoıady dep josparlanýda.

Konferensııada bolashaq megapolısteriniń ınfraqurylymdyq, sonymen qatar qos qalanyń ekonomıkalyq, ınvestısııalyq jáne iskerlik yntymaqtastyǵynyń máseleleri qaralatyn bolady.

Qazaqstannyń ońtústik astanasyna mádenı baǵdarlama aıasynda úzdik máskeýlik ujymdar konsertterimen, spektaklderimen keldi, jastar quramalary arasynda bokstan týrnır ótedi, qala ortalyǵynda eki megapolıstiń dostyǵyna arnalǵan art-obekt ashylady, al Abaı atyndaǵy memlekettik akademııalyq opera jáne balet teatrynda Máskeý men Almaty arasyndaǵy qarym-qatynastyń tarıhyna arnalǵan sýret kórmesi uıymdastyrylady.

Almatyda Máskeýdiń mádenı kúnderiniń resmı baǵdarlamasy 15 qarashada, juma kúni 28-shi gvardııashyl-panfılovshylar atyndaǵy parktegi Dańq Memorıalyna gúl shoqtaryn qoıýmen bastalady. Máskeýlik delegasııany Máskeý úkimetiniń mınıstri, syrtqy ekonomıkalyq jáne halyqaralyq baılanystar departamentiniń basshysy Sergeı Cheremın bastap keldi. Delegasııany Almaty áýejaıynda qala ákiminiń orynbasary Erjan Babaqumarov qarsy aldy.