• USD 389.52
  • EUR 429.21
  • RUB 6.07
  • CNY 54.94
20 Qańtar, 07:57:16
Qazaqstan Ýkraınanyń saýda naryǵyna alańdaýly

13 Qarasha, 2019 NEWS

Almatyny jasyldandyrýdyń sheberlik-josparynyń jobasy ázirlendi

Almatynyń ákimi Baqytjan Saǵyntaev qalany jasyldandyrýdyń sheberlik-josparynyń jobasyn qaraǵan jumys jıynyn ótkizdi. Onyń barysynda taıaýdaǵy úsh jyl ishinde mıllıon aǵash otyrǵyzý máselesi sóz boldy, dep jazady ákimdiktiń resmı saıty.

Sheberlik-joparyn jasaý kezinde qalanyń jasyl jelekteri zertteldi jáne onyń qazirgi jaǵdaıy anyqtaldy. Bul jumysqa kásibı mamandar tartyldy, olar zertteý barysynda qaladaǵy jasyl jelektiń jalpy kólemi bir adamǵa shaqqanda nebári 894 ga – 4.8 sharshy metr ekenin anyqtady. Al, sonaý 70-80 jyldary bul kórsetkish 10 sharshy metrge jetken eken. Jasyl jelek kóleminiń azaıýy qala kólemi men adam sanynyń artýyna baılanysty bolýda.

Aıta keterligi, sońǵy úsh jyl ishinde 134 myńǵa jýyq aǵash otyrǵyzyldy. Aǵymdaǵy jyly otyrǵyzylǵany - 140 myńǵa jýyq.

Málimetterge júginsek, mıllıon aǵashtar men butaqtar otyrǵyzýdyń tıimdiligi joǵary. Iаǵnı, jasyl jelektiń arqasynda 118 mln kg ottegi paıda bolady, qalany jasyldandyrý aımaǵy 5000 sharshy metrge deıin jetedi, jol jıegindegi shýdyń deńgeıi 40%-ǵa, jasyl aımaqtan 1 sharshy metr radıýstaǵy shań deńgeıi 75%-ǵa tómendeıdi.

Sonymen qatar, qalany abattandyrý deńgeıi artady, demalys aımaqtary, skverler men saıabaqtar paıda bolady. Munyń barlyǵy psıhologııalyq ahýalǵa oń yqpal etedi jáne qalalyqtardyń ómir súrýine jaıly jaǵdaı jasaıdy.

«Qalany jasyldandyrýdyń barlyq jumysy biryńǵaı júrgizilip, aǵashtardy stıhııaly túrde otyrǵyzýǵa nemese qııýǵa bolmaıdy. Biz sondyqtan sheberlik-josparyn ázirleýdemiz», - dep atap ótti B. Saǵyntaev.

Jıynda dúkenderdiń, salondardyń jáne kásipkerliktiń basqa nysandarynyń syrtyn jaýyp turatyn aǵashtardy kesýge tyıym salynatyny atalyp ótti. Qaıtarma aǵashtardy otyrǵyzýǵa baqylaý kúsheıtiledi jáne kesilgen aǵashtardyń ornyna otyrǵyzylatyn jasyl jelektiń sany artatyn bolady.

Almaty ákimi B. Saǵyntaev sheberlik-josparyn tolyqtyrý boıynsha birqatar tapsyrmalar berdi. Jalpy, onyń mazmundyq bóligi naqtylanýy jáne ony júzege asyrýdyń pármendi sharalarynyń qarastyrylǵany jón. Onyń ishinde, pıtomnıkterdiń qýaty, jasyl jelekti otyrǵyzýdyń jáne olardy kútip-baptaýdyń biryńǵaı ádisi men erejesi jiti nazarǵa alynýy tıis.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir