Almatyda kóshelerdi qardan tazalaý úshin 500-ge jýyq tehnıka tartyldy

Kóktaıǵaqtyń aldyn alý úshin tún mezgilinde 417 arnaıy tehnıka birligi, onyń ishinde 162 qum laqtyrǵysh tehnıka bar jáne 427 jol tazalaıtyn jumysshy iske kiristi, dep jazady ákimdiktiń resmı saıty.

7 qarasha kúni tańnan bastap 498 tehnıka birligi qar tazalaýǵa shyǵaryldy, onyń ishinde 174 qum laqtyrǵysh bar, sonymen qatar 1688 jol jumysshylary qar tazalaýmen aınalysýda.

Qardyń túsýi bastalysymen joldarǵa kóktaıǵaqqa qarsy materıaldar tógilýde, trotýarlar, jaıaý júrginshi aýmaqtary, qoǵamdyq kólik aıaldamalary, ótpeli joldarǵa kiretin jáne odan shyǵatyn jerler qardan tazartylýda.

Tańǵy saǵat 8-de kóktaıǵaqqa qarsy 2609 tonna materıal tógildi.

Jaýǵan qardyń deńgeıi – 5 santımetr.