Toqaev: Qatań jazaǵa tartylýy tıis

Brakonerler zań boıynsha qatań jazalanýy tıis. Bul týraly prezıdent Qasym-Jomart Toqaev Twitter jelisindegi paraqshasynda málimdedi, – dep Qamshy.kz aqparat agenttigi habarlaıdy. 

"Brakonerler tabıǵat baılyǵy – kıikterdi aýlaýdy toqtatpaı otyr. Almaty oblysynda UQK qyzmetkerleri 3 myńǵa jýyq kıikti óltirgen qylmyskerlerdi quryqtady. Qaskóıler zańǵa sáıkes qatań jazaǵa tartylýy tıis. Quqyq qorǵaý organdary mundaı zańsyz áreketterge toqtaý salýy kerek", – dedi memleket basshysy. 

Eske salsaq, búginge deıin Ulttyq qaýipsizdik komıtetiniń qyzmetkerleri Almaty, Shymkent jáne odan ózge 5 oblysta uıymdasqan qylmystyq toptyń 18 múshesin tutqyndaǵan. Al tergeý kezinde 3 myńǵa jýyq aqbókenniń múıizi tabylǵan.