Qazaqstan parlamenti senatynyń tóraǵasy Darıǵa Nazarbaeva Reseıge sapary barysynda eki el azamattarynyń ózara saparlary máselesinde birdeıliktiń (parıtet) joqtyǵyn aıtty dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Onyń pikirinshe, Qazaqstan men Reseıge keletinderge birdeı múmkindikter jasaý qajettiligi týraly másele sheshýdi talap etedi.

"2014 jyldan beri bizde Qazaqstan azamattarynyń Reseıde jáne Reseı azamattarynyń Qazaqstanda bolýyna qatysty birdeılik joq. Iаǵnı Qazaqstan azamattary vıza rejıminde Reseı Federasııasynda 90 kún turǵannan keıin elden ketip, qaıta kelý úshin 90 kún kútýi kerek. Al Reseı azamattary Qazaqstan aýmaǵynda 90 kún bolǵannan keıin elden ketip, sol kúni qaıta oralyp, taǵy 90 kún sonda tura alady", - dedi Darıǵa Nazarbaeva Federasııa keńesiniń tóraǵasy Valentına Matvıenkomen kezdesýde.

Onyń aıtýynsha, qazirgi ýaqytta bul máseleni reseılik tarap qarastyryp jatyr.

"Reseıge ár túrli sebeptermen keletin azamattardyń aǵyny óte qarqyndy júrip jatyr, munda bıznesten bastap bilim berýge deıin túrli qyzmetpen aınalysqysy keletinder kóp. Biz sizden osy máseleni sheshýge kómek suraımyz", - dep atap ótti Darıǵa Nazarbaeva.

Qazaqstan parlamenti senatynyń spıkeri Reseıge resmı saparmen bardy. Sapar baǵdarlamasynda Reseı Federasııasynyń premer-mınıstri Dmıtrıı Medvedev kezdesý josparlanǵan.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir