• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:48:40
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Moıynqumda sýarmaly egis alqaby 5064 gektarǵa ulǵaıdy

Aýyl sharýashylyǵy salasynda júıeli júrgizilgen reforma árqashan óz nátıjesin beredi. Ári bul áreketter Memleket basshysy Joldaýyndaǵy aýyl sharýashylyǵynyń ónim kólemin 4,5 esege arttyrý tapsyrmasyn oryndaýdyń alǵysharty retinde qabyldanady. Osy oraıda keshegi Keńes odaǵy dáýirinde 10 myń gektar alqapqa júgeri daqylyn ekken moıynqumdyqtar úshin bıylǵy kúzgi jıyn-terim naýqany tabysty aıaqtaldy, dep jazady Qamshy.kz aqparat agenttigi. 

Keńes odaǵy tusynda 10 myń gektarǵa jýyq alqapta júgeri eken moıynqumdyq sharýalar táýelsizdikten keıingi jyldary eginshilik kásipke kóptep kóńil bóle qoımaǵany belgili. Al bıyl aýdandaǵy egin sharýashylyǵynda aıtarlyqtaı mol tabysqa qol jetkizildi.

–Bıyl júıeli josparǵa saı biz kóktemgi egis naýqanyna júıeli daıyndyqpen kelip kiristik. Aýdan boıynsha uzaq jylǵy úzilisten keıni 5064 gektar sýarmaly alqap ıgerildi. Bul alqaptyń 1165 gektaryna júgeri, 541,5 gektaryna arpa, 171,7 gektaryna tary, 233 gektarǵa kúnbaǵys, 49,4 gektarǵa kartop, 83,2 gektarǵa kókónis, 304 gektarǵa baqsha ónimderi egildi. Budan basqa 2526,4 gektar jer jońyshqa bolsa, onyń 380,5 gektary bıyl jańadan sebildi.

Kúzgi jıyn terimniń alǵashqy nátıjeleri boıynsha júgeriniń ár gektarynan 8-12 tonnadan ónim alynyp otyr. Aýdanǵa qarasty Keńes, Birlik aýyldarynda áli de júgeri orylyp jatyr. Al Kókjelek, Kúshaman aýylynyń dıhandary tary jınaýmen aınalysyp jatyr. Aldyn-ala esepteý boıynsha júgeri me tarydan túsetin túsim kólemi de jaman emes. Sondaı-aq sharýalar jońyshqa alqaptarynan 3-4 márteden oraq túsirip, qysqa daıyndyqty pysyqtaý aldy, –deıdi aýdan ákimi Máden Musaev

Aıta ketý kerek Moıynqum aýdanyndaǵy agrosektordaǵy mol tabysqa egistik alqaptaryna sý berýdi turaqty uıymdastyryp otyratyn «Kazsýshar» RMM-niń aýdandyq bólimshesiniń ashylýynyń sebep bolyp otyrǵanyn aıta ketken jón. Aýdandaǵy árbir sharýa qojalyǵynyń jetekshisi «Kazsýshar» mekemesimen aldyn ala kelisim shartqa otyryp, ala jazdaı egis alqabyna turaqty sý berip otyrdy.

Sondaı-aq aýdandaǵy jylyjaı sharýashylyǵynyń qazirgi aıaq alysy qýantady. Máslen Birlik aýylyndaǵy óz aýlasyndaǵy 3,5 sottyq jerge jylyjaı soǵyp, odan jylyna eki márte qııar, qyzanaq alyp otyrǵan Erkin Madııarovtyń isi kópke úlgi. Aldaǵy ýaqytta osynaý paıdasy mol jylyjaılardy kóbeıtý jaǵy qarastyrylyp jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir