• USD 389.52
  • EUR 429.21
  • RUB 6.07
  • CNY 54.94
13 Jeltoqsan, 18:07:06
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

"Kóne Tarazdaǵy" Mýzeı túni"

Taraz qalasynda «Rýhanı jańǵyrý» baǵdarlamasy aıasynda «Murajaılar sherýi» respýblıkalyq aksııasyna qoldaý bildirý maqsatynda «Kóne Taraz» tarıhı-mádenı kesheninde «Ejelgi Taraz eskertkishteri» memlekettik tarıhı-mádenı qoryq murajaıynyń uıymdastyrýymen «Kóne shahardaǵy myń bir tún» teatrlandyrylǵan qoıylymy ótti. Qazan aıynyń 18-juldyzynan 19-juldyzyna qaraǵan túnde keshki saǵat segizden bastaý alǵan qoıylym tańǵy saǵat úshke deıin jalǵasty, dep jazady Qamshy.kz aqparat agenttigi. 

Bul sharada shahar turǵyndary men qonaqtary ortaǵasyrda kópester men qolónershilerdiń qalasy atanǵan Tarazdyń tarıhı beınesin kózben kórýge múmkindik aldy. Sondaı-aq bul kúni tarazdyqtar Qarahan men Aısha-bıbi arasyndaǵy tarıhı mahabbat dastanynyń bel ortasyna endi. «Ejelgi Taraz eskertkishteri» memlekettik tarıhı-mádenı qoryq murajaıynyń basshylyǵy «Kóne shahardaǵy myń bir tún» sharasy Jambyl ólkesiniń mádenıeti men tarıhynyń kópshilik bile bermeıtin qyryn tanytýǵa arnalǵanyn aıtady. Sonymen qatar, olardyń aıtýynsha bul túnde murajaıdaǵy tarıhı tulǵalar men ańyz-áńgime keıipkerlerimen sýretke túsýge de jaǵdaı jasaldy.

Aıta ketý kerek búginde «Kóne Taraz» tarıhı-mádenı kesheninde Qazaqstannyń kıeli jerleriniń tizimine engen Taraz qalashyǵyna qazba jumystary aıaqtalyp, qala ornyna aspanasty murajaıy jasalynǵan. Bizdiń zamanymyzdyń I ǵasyrdan bastap saýda-sattyqtyń, Uly Jibek joly boıynda mádenı-ekonomıkalyq baılanystyń iri ordasy bolǵan Taraz qalasy qazaq tarıhynyń túrli kezeńderin bastan ótkergen. 2011 jylǵa deıin 1 ǵasyr boıy bul mańda Ortalyq bazar qyzmet kórsetken. Arheologııalyq-ǵylymı zertteý jumystaryna baılanysty saýda ortalyǵy kóshirildi. Tarıhshy ǵalymdardyń boljamy á-degennen durys shyqty. Búgingi kúnge deıin munda júrgizilgen ǵylymı zertteý jumystarynyń nátıjesinde 50 myńǵa jýyq jádiger tabyldy. Sonymen birge ǵalymdar kóne bazardyń ornynan ortaǵasyrlyq qamal men VI-XII ǵasyrlarǵa jatatyn meshit, medresenyń ornyn tapty. Tipti munda otqa tabynýshylardyń arnaıy orny bolǵandyǵy da anyqtalǵan.

«Ejelgi Taraz eskertkishteri» murajaıyna dál osy qazba jumystary kezinde tabylǵan 2myńǵa jýyq jádigerler qoıylǵan. Bul jádigerlerdiń taǵy bir ereksheligi olardyń túrli dáýirge jatýynda. Sondaı-aq olardyń Taraz ólkesinde ústemdik qurǵan ártúrli memleketterdiń kezinde árqıly úlgimen soǵylýy da qyzyǵýshylyq týǵyzady.

Qazir murajaı mańynan «Shahrıstan» tarıhı-mádenı kesheniniń qurylysy júrgizilýde. О́z kezeginde bul nysandy «Kóne Taraz» arheologııalyq keshenimen birigip Qazaqstandaǵy eń úlken týrıstik ortalyqqa aınaldyrý josparlanyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir