"Adaldyq alańynda" kezdesti

Jambyl oblysy boıynsha memlekettik kirister departamentiniń jınalys zalynda, qoǵamda sybaılas jemqorlyqqa qarsy mádenıetti qalyptastyrý maqsatynda «Adaldyq saǵaty» sheńberinde «Sybaılas jemqorlyqpen kúres» taqyrybyna arnaıy departament ujymynyń aldynda dáris oqyldy.

Jıynda áýeli departamenttiń jetekshi mamany Baný Júzbaeva taqyryp tóńireginde baıandama jasady. О́z baıandamasynda ol sybaılas jemqorlyqpen kúres – damýshy elderdiń kún tártibinde aldyńǵy qatarda turatyn eń mańyzdy máselelerdiń biri dep atap ótti. Sonymen qatar, baıandamashy elimizdiń «Qazaqstan- 2050» uzaq merzimdi Strategııasynda sybaılas jemqorlyq ulttyq qaýipsizdikke tikeleı áser etetin qaýip-qater retinde kórsetilgeni jaıly aıtty. Buǵan Elbasy N.Á.Nazarbaev jáne de QR Prezıdenti Q.K.Toqaev asa kóńil bólip, bul dertti joımaı tolyq damý men ósip órkendeý múmkin emes dep aıtyp ótken bolatyn.

– Sondyqtan, elimizde osy mańyzdy másele boıynsha qaǵıdattyq ustanymdy bildiretin 2014 jyly 26 jeltoqsanda 2015-2025 jyldarǵa arnalǵan Sybaılas jemqorlyqqa qarsy strategııasy qabyldanǵan bolatyn.

Strategııanyń maqsattary retinde jemqorlyq kólemin azaıtý, memlekettik organdardyń ashyqtyǵy, kvazımemlekettik jáne jeke sektorlardyń ashyqtyǵy kelesiler aıqyndalǵan.

Osylaısha, basty nazar sybaılas jemqorlyqtyń saldarlarymen kúreske emes, onyń alǵysharttaryn joıýǵa aýdarylýy tıis. Qoǵamdyq ómirdiń barlyq salalaryna enip ketken bul indettiń aldyn-alý úshin elimizde ınstıtýsıonaldyq jáne quqyqtyq baza qalyptasqan.

Máselen, «100 naqty qadam» Ult jospary sheńberinde 2015 jyldyń 18 qarashasynda «Sybaılas jemqorlyqqa qarsy is-qımyl týraly» Zańy qabyldandy. Osyǵan oraı, Elbasynyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda jemqorlyqtan ada óńir qalyptastyrý kerektigi týraly tapsyrmasyna sáıkes turmystyq jemqorlyqty joıý maqsatynda barlyq óńirde «Adaldyq alańy» jobalyq keńseleri qurylǵan bolatyn, – dedi B. Júzbaeva óz sózinde.

Sonymen qatar, jıynda sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesken adamdarǵa, eger kináli adamǵa qatysty ákimshilik jaza qoldaný týraly sot qaýlysy nemese aıyptaý úkimi zańdy kúshine engen bolsa, birjolǵy aqshalaı syıaqy tólenetini aıtyldy.

Jalpy, dáriske qatysqan departamenttiń 53 qyzmetkeri sybaılas jemqorlyqqa qarsy úkimet tarapynan qandaı is-sharalar júrgizilip jatqanyn habardar boldy.