• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:43:31
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Áskerı-sporttyq jarys ótti

Jambyl oblysy T. Rysqulov aýdanyndaǵy Qulan agrotehnıkalyq kolledjinde Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty jalpyulttyq maqalasynyń aıasynda jáne Jastar jylyna oraı aýdandyq jastar resýrstyq ortalyǵynyń muryndyq bolýymen, sondaı-aq, atalmysh bilim oshaǵynyń alǵashqy áskerı daıyndyq pániniń oqytýshy-uıymdastyrýshysy, qordaǵy III dárejeli serjant, Tájik-Aýǵan shekarasyndaǵy qaqtyǵystarynyń ardageri Madı Isakýlovtyń qoldaýymen «Beıbit eldiń ulanymyz» atty áskerı-patrıottyq sporttyq oıyndar ótti.

Aýdandyq deńgeıde uıymdastyrylǵan bul is-sharanyń maqsaty — jastar arasynda patrıottyq tárbıeni nyǵaıtý, jastarymyzdyń otansúıgishtik qasıetterin shyńdaý, jasóspirimderdiń bos ýaqytyn tıimdi paıdalanyp, óskeleń urpaqtyń áskerı sheberligin arttyrý. Sporttyq is-sharanyń ashylý rásimine aýdan ákimdigi ishki saıasat bóliminiń basshysy Lázzat О́teýlıeva, 03811 áskerı bóliminiń komandıri, polkovnık Alıhan Mýldagalıev, aýdandyq aqsaqaldar Keńesiniń tóraǵasy Qojaıhan Bıjanov, Qulan aýyldyq okrýginiń ákimi Murat Imanbaev, aýdan ákimdigi deneshynyqtyrý jáne sport bóliminiń basshysy Erlik Shabeev qatysty. Sharanyń alǵy sózin aýdan ákimdigi ishki saıasat bóliminiń basshysy Lázzat Shákýáliqyzy sóz sóılep, ashyp berdi.

Sodan soń, 03811 áskerı bóliminiń komandıri, polkovnık Alıhan Mýldagalıev, aýdandyq aqsaqaldar Keńesiniń tóraǵasy Qojaıhan Bıjanov, Qulan aýyldyq okrýginiń ákimi Murat Imanbaevqa sóz kezegi berilip, olar da óz kezeginde qatysýshylarǵa sáttilik tiledi.

Izgi tilekterden keıin qatysýshylar 03811 áskerı bólimi qyzmetkerleriniń qoıan qoltyq urys kezindegi jattyǵýlaryn, sondaı-aq, osy is-sharaǵa arnaıy uıymdastyrylǵan áskerı kórme jumysymen tanysty. Jaýyngerlerdiń ónerinen keıin jarys bastalyp ketti. Aldymen mektep oqýshylary atys daıyndyǵynan, kermege tartylýdan, shalqalap jatyp keýdeni kóterýden, 1 shaqyrym qashyqtyqqa júgirý, áskerı-sporttyq qoldanbaly estafeta túrlerinen , voleıboldan ózara myqtyny anyqtady.

Marapattaý rásiminde qorytyndy sóz «Jastar resýrstyq ortalyǵy» KMM-niń dırektory Aıbek Sársehanulyna berilip, júldegerler men jeńimpazdar anyqtalyp, olarǵa alǵys hatpen qosa, baǵaly syılyqtar tabys etildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir