• USD 389.52
  • EUR 429.21
  • RUB 6.07
  • CNY 54.94
20 Qańtar, 07:53:29
Qazaqstan Ýkraınanyń saýda naryǵyna alańdaýly

14 Qazan, 2019 Aımaqtar

"Balqarag`ai" fıtobary dertke daýany dárilik shópten izdeıdi

Taraz qalasynda «Balqarag`ai» emdeý-saýyqtyrý ortalyǵy jumys jasaıdy. О́ńirdegi tuńǵysh fıtobarda tutynýshylarǵa arnalyp emdik ósimdikterden daıyndalǵan taǵamdar men sýsyndar, densaýlyqty jaqsartatyn dıetalyq ónimderdiń túr-túri usynylady, dep jazady Qamshy.kz aqparat agenttigi. 

Jambyldyqtardyń janyna saıa, dertine daý bolar bul fıtobardy ashý jobasyn oblys ákimi Asqar Myrzahmetovtiń ıdeıasymen tanymal kásipker Qadyrhan Abdýllaev qolǵa aldy. Qurylys jumystary 1 jylǵa jýyq merzimde aıaqtalǵan nysannyń ashylý saltany da Ulystyń uly kúnimen tuspa-tus kelgenin kópshilik jaqsylyq balady. Sáıkesinshe medısına salasynyń mamandary da fıtobar usynatyn sýsyndardyń shyn máninde adam densaýlyǵy úshin paıdaly ekenin atap ótti.

–Fıtobardyń óz tutynýshylaryna ázirlegen mázirin negizinen emdik shópterden jasalǵan taǵamdar men salattar quraıdy. О́z kezeginde mundaı taǵamdar men salattar adam densaýlyǵyna óte paıdaly. Sońǵy jyldary ár túrli sozylmaly aýrýlarmen dıspanserlik esepte turatyn jambyldyqtardyń sany artty. Al medısına olardy emdeýde shıpaly shópterdi qoldaný múmkindigin joqqa shyǵarmaıdy. Ári «Balqarag`ai» emdeý-saýyqtyrý ortalyǵyna kelgenderge emdik shópterdiń qaı túrin jáne qandaı ádispen qoldaný qajettiligin arnaıy mamandar taǵaıyndaıdy. Sonymen birge mundaǵy em alýshylarǵa terapevt, pedıatr syndy bilikti mamandar keńes beredi, –deıdi oblys ákimdigi densaýlyq saqtaý basqarmasynyń basshysy Marat Jamanqulov.

Fıtobardaǵy emdik sharalarńy tek sertıfıkattalǵan jáne tájirıbeli mamandar ázirlegen shıpaly shópter ǵana ázirlenedi eken. Mundaǵy emdik shópterdi otandyq naryqtaǵy emdik shópterdi ázirleý isiniń kóshbasshysy sanalatyn «Zerde-Fıto» farmasevtıkalyq kompanııasy jetkizedi.

–Emdeý sharalaryna qoldaný maqsatynda bizge ákelingen árbir shópke zerthanalyq zertteý júrgiziledi. Shıkizatty qaıta óńdeýge jiberý úshin zerthanadaǵy zertteýde oń nátıjege qol jetkizilýi kerek. Dárilik shópter daıyn bolǵannan keıin de arnaıy mamandar olardyń quramyn tolyq tekserip baryp satylymǵa shyǵarady, –deıdi «Zerde Fıto» kompanııasy dırektorynyń óndiris jónindegi orynbasary Maqsat Jumataev.

Jalpy emdeý-saýyqtyrý ortalyǵyndaǵy emdeý sharalaryna 100-den astam shóp túri qoldanylady. Ortalyqta tutynýshylarǵa sapaly qyzmet usyný isin 30-35 adamnan turatyn ujym atqarady. Olardyń kómegimen fıtobarda bir táýlikte 150-200 adamǵa qyzmet kórsetiledi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir