• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:53:08
Qazaqstan Ýkraınanyń saýda naryǵyna alańdaýly

13 Qazan, 2019 Aımaqtar

Jambyldyq jastar brıket óndirisin qolǵa almaq

M.H.Dýlatı atyndaǵy Taraz memlekettik ýnıversıtetiniń «Enactus TarSU» komandasy kómirden arzan ári qýatty brıket dep atalatyn otyn túriniń óndirisin qolǵa almaq. Alǵyr jastardan quralǵan top ártúrli turmystyq jáne sharýashylyq qaldyqtary men kómir kúlinen turatyn ózindik quny tas kómirden 8 ese arzan otyn túrin qoldanysqa engizýdi quptaıdy, dep jazady Qamshy.kz aqparat agenttigi. 

Negizinde álem elderiniń tájirıbesinde jylytý maýsymynda ónerkásip, aýyl sharýashylyq salalarynyń qaldyqtarynan daıyndalatyn brıket qoldanylady.

–Bizdiń joba Warm Box dep atalady. Bul tirkesti sózbe sóz aýdarǵanda «jyly qorap» degen maǵynany beredi. Gazdandyrylmaǵan aýyldarǵa jylytý maýsymyn arzandatylǵan otyn túrimen ótkizýge jol ashatyn brıketti otyn retinde jappaı qoldanys engizý algorıtmi de óte qarapaıym. Biz aýyl turǵyndyryna brıketti óz qoldarymen jasaýdy úıretemiz. Sol arqyly olar osy ádispen tabys taýyp búkil aýylda jylytý maýsymyna qajetti otyn túrimen qamtı alady,– deıdi «Enactus TarSU» komandasynyń múshesi Dıana Narbaeva.

Talapty jastar óz jobalaryn 2017 jyldan bastap iske asyra bastaǵan. Dál osy ýaqytta olar jylytý maýsymyna ázirligi joq otbasyǵa kómek qolyn sozǵan. Áý basta brıketti mehanıkalyq qondyrǵylarmen shyǵarǵan top qazir bul úrdisti tolyqtaı avtomattandyrylǵan rejımge aýysqanyn aıtady. Qazir joba avtorlary pılottyq rejımde qala mańyndaǵy Kóltoǵan , Qumshaǵal, Shóldala aýyldaryna brıketti jappaı qoldanysqa engizý baǵytynda jumys jasaýda.

Brıkettiń hımııalyq quramyn túzýde «Enactus TarSU» komandasynyń músheleri M.H.Dýlatı atyndaǵy Taraz memlekettik ýnıversıtetiniń «Hımııa» kafedrasymen tyǵyz baılanys ornatqan. Tipti bolashaqta jambyldyq jasampaz jastar ázirlegen brıket otandyq naryqqa jol tartpaq. Turmystyq qaldyqtar negizin quraıtyn brıket óndirisiniń ekonomıkalyq turǵydan tıimdiligi dep esh talas týdyrmaıdy. Osynysymen-aq jambyldyq jastardyń brıket óndirisi jobasy naryqta joǵary suranysqa ıe bola alatyn syńaıly.

Aýyldyqtardyń jylytý maýsymyndaǵy bas aýyrtar máselesine ońaı ári tıimdi sheshý baǵytyndaǵy izdenisti jolǵa qoıǵan jastar búginde respýblıkalyq «Enactus» qozǵalysynyń úzdigi sanalady. Jaqynda ǵana olar dál osy qozǵalys músheleri arasynda AQSh-ta ótken dúnıejúzilik birinshilikte el namysyn abyroımen qorǵap qaıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir