Qara halyqtyń quqyqtyq saýattylyǵyn arttyrý mańyzdy

Búginde buqaranyń qaýipsizdigi basty orynda turǵany belgili. Ásirese tótenshe jaǵdaılar kezinde sala qyzmetkerleriniń qyraǵylyǵy ǵana adam ómirine arasha túse alady. Sondyqtanda qutqarýshylardyń moınyna artylǵan jaýypkershilik júgi aýyr dep jazady Qamshy.kz aqparat agenttigi. Jambyl oblysy TJ departamentiniń qyzmetkerleri oblys ákiminiń orynbasary Nurjan Sábıtuly Kalenderovtyń tóraǵalyǵymen Dostyq úıinde kásipkerlik sýbektilerimen memlekettik baqylaýdy jáne qadaǵalaýdy júzege asyrý jáne bıznes-qoǵamdastyqpen keri baılanysty qalyptastyrý, baqylaý jáne qadaǵalaý organdarymen talqylaý boıynsha ótkizilgen esep kúnine qatysty .

Atalǵan kezdesý baqylaý-qadaǵalaý qyzmetiniń reformasyn iske asyrý sheńberinde memlekettik baqylaý jáne qadaǵalaý máseleleri boıynsha zańnamanyń mindetti talaptaryn túsindirý jáne buzýshylyqtardy júıeli aldyn alýdy damytý, turaqty jáne qaýipsiz qyzmetti júzege asyrý úshin kásipkerler men uıymdardyń quqyqtyq saýattylyq deńgeıin arttyrý maqsatynda ótkizildi.

О́tkizilgen kezdesýde oblystyń barlyq memlekettik baqylaý jáne qadaǵalaý organdarynyń esepteri, onyń ishinde órt qaýipsizdigi jáne azamattyq qorǵanys salasyndaǵy baqylaý qyzmetiniń esepteri tyńdaldy.

О́z sózderinde Zilzalalar qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Maqsat Ákimbaev pen azamattyq qorǵanys bóliminiń bastyǵy Áset Manasov memlekettik órt baqylaý jáne azamattyq qorǵanys is-sharalaryn baqylaý tártibin, sondaı-aq osy salalardaǵy tekserýlerdi uıymdastyrý jáne júrgizý úshin barlyq quqyqtyq negizderdi túsindirdi.

Bir saǵat ishinde kezdesýge qatysýshylar kásipkerlik sýbektileriniń týyndaǵan suraqtaryna tıisti jaýaptar berdi.

Sol kúni kezdesýdi ótkizý boıynsha túsirilgen sıýjetter jergilikti teledıdar arnalarynda kórsetildi.

Iá, mundaı sharalardyń buqara úshin bereri mol. Sebebi quqyqty memlekette óz quqyǵy men bostandyǵyn biletin halyq ǵana egemendiktiń baǵasyn, táýelsizdiktiń qunyn túsinedi. Osyny jurtshylyqtyń jadyna jattatý maqsatynda uıymdastyrylyp jatqan sharalardyń tıgizer paıdasy orasan. Mundaı qadamǵa Tótenshe jaǵdaılar departamentiniń mamandary da ún qosyp, judyryqsha jumylyp otyrǵandary qýantady.