Memqyzmetshiler murajaıdy aralady

Keleshekke nyq qadam jasaý úshin óshkenińdi jańǵyrtyp, ótkenińdi umytpaý qajet. Bul atadan balaǵa mıras bolyp kele jatqan ósıet. Al izi tasta qalǵan tarıhtyń qutty mekeni murajaı ekeni belgisiz. Osynaý mekende keıingilerge mura bolyp ǵana qoımaı, tegimiz ben tektiligimizdi tanytatyn jádigerler jetkilikti. Mine osynaý baǵymyz ben barymyzdy nasıhattaý, ári Elbasynyń «Rýhanı jańǵyrý» baǵdarlamasyna ún qosý maqsatynda Jambyl oblysy Moıynqum aýdanynda ıgi shara uıymdastyryldy dep jazady Qamshy.kz aqparat agenttigi. Aýdan ákimi apparatynyń basshysy, Ádep jónindegi ýákili Amangeldi Námetqulovtyń uıytqy bolýymen Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda aýdan ákimi apparatynyń qyzmetkerleri J.Qýanyshbaev atyndaǵy aýdandyq murajaıǵa saıahat jasady. Onda murajaı ekskýrsavody Merýert Qanqojaeva tabıǵat bólmesindegi aýdanymyzda Qyzyl kitapqa engen, ań qustardy, ósimdikterdi, arheologııalyq bólmedegi aýdanymyzdyń kartasy, Birlik aýylynyń ońtústiginen shyǵysqa qaraı 5 shaqyrym jerdegi «Tórtkúl»qalashyǵynan tabylǵan qysh qumyranyń synyqtary, keramıkanyń túrleri, Jaz-atanyń arnaıy buryshymen, ondaǵy Jaz-atanyń óziniń jatqan tósegi, ár jyldardaǵy sýretteri men qujattary, qutty aq taıaǵy jáne sýretshi Zańǵar Medetbekovtyń Jaz –atanyń qos ulymen jaılaýdaǵy beınesi, Qazaq handyǵyn alǵash qurǵan Jánibek pen Kereı hannyń at ústindegi beıneleri taǵy da basqa da qundy jádigerlermen qyzyqty ári túsinikti etip memlekettik qyzmetkerge jetkizdi.Sondaı-aq memlekettik qyzmetshiler ózderiniń saýaldaryn qoıyp, jaýaptar aldy. Aýdannyń tarıhy týraly erekshe málimetter bilip, rýhanı baıyp, bir serpilip qalǵan memlekettik qyzmetkerler murajaıdyń qyzmetkerlerine alǵystaryn jetkizdi.

Iá bul da halyqty rýhanı sýsyndatýdyń bir joly. Ásirese mundaı bastamaǵa memlekettik qyzmetshiler muryndyq bolyp jatqany qýantady. Memlekettik qyzmet minsiz, al memqyzmetshiler ózgelerge úlgi bolýy qajet degen qanatty sózderdiń astarynda osyndaı tirlikter jatqany daýsyz. Árıne murajaıdyń qundy jádigerleri bir sátke bolsa da adamdy ótkenge ala ketip, tarıhı sátterdi kóz aldyńa elestetini bar. Bul oraıda Moıynqum aýdanynyń murajaıy qundylyqqa baı ekeni dáleldeýdi qajet etpeıdi. Endeshe osynaý tirlik ózgelerge úlgi bolsyn dep tileımiz.