Ár gektardan 12 tonnadan ónim jınalýda

Jambyl oblysynyń kartasynda jalpaǵynan jatqan Moıynqum aýdany bıyl tyń tirlikti túletkenin el jaqsy biledi. Aýdan ákimi Máden Musaevtyń tikeleı bastamasymen eldi mekende júgeri sharýashylyǵy qolǵa alynyp, eldiń eńsesi tiktelýde. Mine osy dala qazynasy oraq túsip, turǵyndar jıyn-teringen kirisip ketti, dep jazady Qamshy.kz aqparat agenttigi. 

Halyqty azyq-túlik jáne ónerkásipti shıkizattyń túrlerimen qamtamasyz etýimen erekshelenetin mańyzdy salanyń biri –aýylsharýashylyǵy salasy. Ásirese, qara jerden óz nesibesin taýyp júrgen sharýalardyń eńbegi erekshe. Aýdanda «Dala arýy» atanǵan júgeri daqylyna oraq salynyp, sharýalar bitik shyqqan júgerini jınaý naýqanyn bastap ketti.

-Bizdiń «Baıbaraq-Agro» dep atalatyn kooperatıvimizdiń 100 gektardan astam jeri bar. Qazir sonyń 30 gektaryna júgeri egip, endi soǵan oraq salyp jatyrmyz. Baqsha da ekken bolatynbyz. Baqsha ónimimen aýyl turǵyndaryn qamtamasyz ettik. О́nimdiligine keletin bolsaq júgeri bitik shyqty, 120 sentnerdiń ár gektardan 12 tonnadan ónim alyp otyrmyz, – deıdi «Baıbaraq — Agro» kooperatıviniń tóraǵasy Almabek Ábdihalyqov.

Bıyl Birlik aýyldyq okrýgi boıynsha egistik aýmaǵy 1546 gektar bolsa, sonyń 425 gektar jerine júgeri daqyly egildi. Sondaı-aq, aýyldyq okrýgten shabylǵan júgerini jınaý úshin arnaıy qyrman men tehnıkalardy saqtaýǵa arnalǵan MTS soǵyldy.

– Aýdan boıynsha 5074 gektar sýarmaly jerdi ıgerip, al onyń 1165 gektar alqabyna dándik júgeri egilgen bolatyn. Osy dándik júgerini jınaý úshin sharýalarmen kelise otyryp «Hersones-9» atty kombaıynnyń 3-eýin aldyq. Qazir bireýi Keńes aýylynda, al ekeýi Birlik aýylynyń sharýa qojalyqtarynyń júgerisin shaýyp jatyr. Aýdan boıynsha negizinen júgeri, taryǵa oraq salynyp jatsa, al baqsha, kókónis ónimderin jınalyp, bitip qaldy. Qazirgi tańda júgeriniń 70 gektary orylsa, túsim ár gektardan 12 tonnadan aınalyp otyr. Endigi mindet jınalǵan ónimdi ıgilikke jaratý, – deıdi aýdandyq aýylsharýashylyǵy bóliminiń basshysy Qyzyr Eleýsizov.

Araǵa jıyrma jyldan astam ýaqyt salyp, bıyl ǵana qaıtadan qolǵa alynǵan dándik júgerini aýdan sharýalary, keler jyly kóptep egip, alqaptaryn keńeıtýdi kózdep otyr. Endeshe sharýalardyń ala jazdaı tókken teri tekke ketpeı eńbekteri jemisti bolsyn demekpiz.