• USD 389.52
  • EUR 429.21
  • RUB 6.07
  • CNY 54.94
15 Qazan, 15:56:53
Saılaý qarsańynda "joǵalyp ketken" akter Shrı-Lankadan sálem joldady (vıdeo)

04 Qazan, 2019 Mańǵystaý oblysy

Turǵyndar emhanany tańdaı alady

          Aqtaýda 15 qyrkúıek pen 15 qarasha aralyǵynda turǵyndar úshin emhanaǵa tirkelý naýqany júredi. Iаǵnı, kez kelgen azamat 2020 jyldan bastap óz qalaýymen emdelgisi keletin emhanany tańdaýyna múmkindik bar. Sondaı-aq azamat elektrondy sıfrlik qoly bolǵan jaǵdaıda, Egov elektrondy úkimetiniń veb-portaly arqyly emhanaǵa tirkele alady. Bul týraly «Áleýmettik medısınalyq saqtandyrý qory» Mańǵystaý fılıalynyń dırektory orynbasary Janetta Kerımbaeva aıtty.

         Elektrondy tirkelý kezinde qandaı da bir kedergi týyndasa, «Azamattarǵa arnalǵan úkimet» memlekettik korporasııasy arqyly turǵyndarǵy qyzmet kórsetý ortalyǵy qyzmetkerlerine habarlasýǵa bolady.

Janetta Kerımbaevanyń aıtýynsha, turǵyn ózi turatyn ákimshilik terrıtorııalyq aımaq sheńberinde  qyzmet etetin klınıkanyń birin tańdaı alady.

-Buryn buǵan shekteý bolǵan joq. Degenmen dárigerlerdi úıge shaqyrý qyzmeti birqatar qıyndyqtar týǵyzyp otyr. Dárigerge turǵylyqty meken jaıy boıynsha tirkelmegen azamattyń úıine barý qıynǵa túsedi. Tańdaǵan emhananyń úıge jaqyn mańda, jaıaý júrgende 15-20 mınýttyq jerde bolǵany durys. Bul úıde bireý aýyryp, ózin jaısyz sezingen jaǵdaıda dárigerlerdiń jedel kómek kórsetýine múmkindik beredi.Eger otbasy músheleri ózdiginen emhanany tańdaı almasa, (balalar, múgedekter, egde jastaǵy azamattar t.b),  ata-ana nemese asyraýshysy ornyna tıisti tólqujatpen tirkelýge quqyǵy bar. Eger bastapqy medısınalyq kómek kórsetetin emhananyń júktemesi kóp bolǵan jaǵdaıda, emhanadan turǵylyqty meken jaıy alys bolsa, tirkele almaýy múmkin. Turǵyn ózi tańdaǵan klınıkaǵa 2020 jyldyń 1 qańtarynan bastap bara alady. Bıyl jyl bitkenshe burynǵy emhanadan qyzmet alýdy jalǵastyra beredi, - deıdi Janetta Kerımbaeva.

Janetta Kerımbaevanyń aıtýynsha, kez kelgen turǵyn jylyna bir ret óz meken-jaıy aýmaǵynda tirkelgen emhanasyn aýystyra alady. Bir aıta keterligi, tirkeý naýqany tegin medısınalyq kómek jáne áleýmettikmedısınalyq saqtandyrý sheńberinde qyzmet dkórsetýden úmitker Densaýlyq saqtaý sýbektileriniń derekqoryndaǵy medısına uıymdarynyń arasynda ǵana ótkiziledi.

Málimetter bazasymen Áleýmettik medısınalyq saqtandyrý qorynyń fms.kz saıtyndaǵy "Klınıka tańdaý" bólimi arqyly tanysýǵa bolady.

         Qazirgi tańda «Áleýmettik medısınalyq saqtandyrý qory» Mańǵystaý oblysy boıynsha fılıaly halyqqa tegin medısınalyq kómek kórsetetin 51 medısınalyq uıymmen kelisim shart ornatqan, onyń ishinde 25 jeke menshik mekeme bar. Budan bólek, taǵy 4 jeke menshik klınıka 2019 jylǵy tirkelý derekqoryna qatysýǵa nıet bildirip otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir