Básekelestik kilti-bilimde

Elbasy-Qazaqstan Respýblıkasynyń Tuńǵysh Prezıdenti Nursultan Nazarbaev azattyqtyń alǵashqy jyldarynan bilim salasyn damytý máselesine aıryqsha nazar aýdaryp, bul baǵytta baıandy baǵdarlamalardyń qabyldanýyna, keshendi sharalardyń qolǵa alynýyna yqpal etip keledi. Memleket basshysy Qasym-Jomart Toqaev ta urpaq tárbıesine jan-jaqty kóńil bólip, Úkimetke naqty tapsyrmalar berýde. Prezıdent «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda da salaǵa serpilis syılaıtyn qadaý-qadaý mindetterdi aıqyndady.

Qazirgi tańda Qordaı aýdanynda bul baǵytta jemisti jumystar júzege asýda. 2019 jyldyń 1-qazanyndaǵy málimet boıynsha aýdan bıýdjeti esebinen qarjylandyrylatyn 48 mektepte 30462 oqýshy jáne 9 mektepten tys mekemede 6507 bala bilim alýda. 21 memlekettik balabaqshada 2764, 40 jekemenshik balabaqshada 3955, 7 shaǵyn ortalyqta 340, 2 jekemenshik shaǵyn ortalyqta 215, barlyǵy 7474 búldirshin mektepke deıingi tárbıemen qamtylǵan.

Aýdan boıynsha mektepke deıingi tárbıemen qamtylǵan balalar úlesi 1-6 jas aralyǵynda 92 paıyzdy, 3-6 jas aralyǵynda 100 paıyzdy qurap otyr.

«Mektepke deıingi bilim berý uıymdarynda memlekettik bilim berý tapsyrysyn iske asyrý» baǵdarlamasy jelisinde 2019 jyly 525 orynǵa 6 jekemenshik balabaqsha men qosymsha toptar ashyldy.

Sonymen qatar 2019 jyly 14,5 mıllıon teńgege 2 fızıka kabıneti, 30,3 mıllıon teńgege Otar jáne Masanchı aýyldarynda 4 IT synyp jáne 54,6 mıllıon teńgege 10 jıyntyq robototehnıka kabınetteri (№7,9,14,18,24,31,35,27,34,47 mektepterde) satyp alyndy.

Bekitilgen mejege sáıkes, mektepterde oqý kabınetterin ınteraktıvti qurylǵylarmen qamtamasyz etý úlesi 100 paıyzǵa josparlanyp, naqty 87,2 paıyzdy qurady. Indıkatordy oryndaý úshin jalpy 179,5 mıllıon teńgege 359 dana ınteraktıvti qurylǵylar satyp alyndy. Biraq ındıkatordy tolyq oryndaý úshin 171 dana kompıýter qajet. Jalpy kerekti somasy 85,5 mıllıon teńge. Qazir osy baǵytta qarjy qarastyrý jumystary júrgizilýde.

Aıta ketý kerek, Qordaı aýdanynda bilim berý mekemeleriniń materıaldyq-tehnıkalyq bazasyn jaqsartýǵa basa kóńil bólinip keledi. Bıyldyń ózinde aýdandaǵy 3 mektepterge jalpy 392,6 mıllıon teńgege kúrdeli jóndeý jumystary júrgizilgen. Naqtyraq aıtqanda №4 Boltrıkrva atyndaǵy orta mektebine 136,5 mıllıon teńge, №32 Maıakovskıı atyndaǵy orta mektebine 79,6 mıllıon teńge, №14 Qarakemer aýylyndaǵy mektepke 176,5 mıllıon teńge bólinip, maqsatty ıgerildi.