Áıelder zeınetke erte shyǵa ala ma?

Qarjy mınıstri Álıhan Smaılov áıelderdiń zeınet jasyn tómendetý týraly usynysqa qatysty pikir bildirdi, Qamshy.kz aqparat agenttigi.

Bul kúnderi qazaqstandyq áıelder zeınetke 59 jasynda shyǵady. Ulttyq qoǵamdyq senim keńesiniń alǵashqy otyrysynda Jánibek Qojyq áıelderdi zeınet demalysyna erte shyǵarý bastamasyn kótergen bolatyn. 

"Biz bul usynys týraly estidik. Alaıda búkil álemde keri úrdis júrip jatyr. Adamdardyń ómir súrý deńgeıi men uzaqtyǵy joǵarylaýda. Sáıkesinshe áıelder zeınetke 65-67 jasta shyǵady. Bizde de ómir uzaqtyǵy men 65 jastan asqan turǵyndardyń sany artyp keledi. Eger zeınetaqy júıesiniń turaqty, zeınetkerlerle laıyqty ómir qamtamasyz etetindeı deńgeıde bolǵanyn qalasaq, onda tutas júıeniń ornyqtylyǵyn oılaýymyz qajet" – dedi Álıhan Smaılov májilis qabyrǵasynda.

Qazaqstanda búginde áıelderdiń zeınet jasy birtindep 63 jasqa deıin kóterilip keledi. Tıisti zań byltyr engizilgen bolatyn.