Prezıdenttik jastar kadrlyq rezervine 4115 úmitker tirkeldi

 Memleket basshysy Qasym-Jomart Toqaevtyń «Sabaqtastyq. Ádildik. О́rleý» atty saılaýaldy baǵdarlamasynda Prezıdenttik jastar kadrlyq rezervin qalyptastyrý máselesi kóterilgen bolatyn.

Bul bastamadan keıin «Prezıdenttik kadrlyq rezerv» dep atalǵan memlekettik joba júzege asyrylýda. Maqsaty - jastar úshin ashyq jáne tıimdi áleýmettik saty qurý. 

Joba jóninde  Qazaqstan Respýblıkasy Memlekettik qyzmet isteri agenttiginiń tóraǵasynyń orynbasary Marat Dáýeshev Primeminister.kz-ke bergen suhbatynda: «Memleket basshysy rezervtiń jastar úshin tıimdi áleýmettik lıftige aınalýy tıis ekenin aıtqan edi. Irikteýge túrli salalardyń ókilderi, túrli kásip ıeleri qatysa alady. Olar mindetti túrde memlekettik qyzmetker bolýy shart emes, kvazımemlekettik sektor, jekemenshik sektor, azamattyq qoǵam ókilderi bola alady.»

Rezervke qatysýǵa nıetti jastar 1-30 qyrkúıek aralyǵynda pkrezerv.kz onlaın platformasynda ótinim bere alady.

Úmitkerlerge Qazaqstan Respýblıkasynyń azamaty bolýy, jasy 35-ten aspaýy, bilimi men jalpy jumys ótiliniń 5 jyldan kem bolmaýy syndy talaptar qoıylady. Irikteý 5 kezeńnen turady.

Alǵashqy kezeńde qujat qabyldanady. Ekinshi kezeńge ótken úmitker óz qabiletterin kórsetý úshin test tapsyrady. Úshinshi kezeńde esse jazý arqyly qatysýshy áleýmettik mańyzy bar dep tanylǵan joba usynady. Tórtinshi kezeńge ótken jastardy sarapshylyq komıssııa áńgimelesýge shaqyrady.

Sońǵy kezeńde sarapshylyq  komıssııa ashyq daýys berý arqyly Rezervke úmitker tizimin jasap, ony qarastyrý úshin Ulttyq komıssııaǵa joldaıdy. Irikteýdiń sońǵy kezeńi – qatysýshylardyń kandıdatýrasy kadrlyq rezerv jónindegi Ulttyq komıssııada qarastyrylady.