"Kúldik te, qoıdyq": Doshan Joljaqsynov "keńesshi" ánshilerdi synady (vıdeo)

Tanymal akter Doshan Joljaqsynov "keńesshi" bolyp, sheneýnik atanyp jatqan ónerpazdardy synǵa aldy dep jazady Qamshy.kz aqparat agenttigi. 

"Men týra osy úrdiste bıliktiń osaldyǵyn kóremin. Mysaly, sol keńesshi ne keńes aıtady? Búginde ne týraly keńes berýge bolady? Mádenıet mınıstrligi bar. Onyń búkil apparaty bar. Bul ne bulardyń qolynan kelmeıtin sharýa ma? Ákimdikti alaıyq. Árqaısynda mádenıet departamenti bar. Oǵan bilimi bar adamdar barýy kerek. Sol ónermen, sol saladaǵy rýhanı dúnıelermen tús kórip oıanatyn adamdar barýy kerek. Úlken bıliktegi adamdar jumystan bosaǵan kezde keńesshilikke barady. Munyń statýsy ne? Qaı jaǵynan qandaı keńes beredi? Birinshiden, bul ezý tartqyzatyn dúnıe. Biz kúldik te qoıdyq", - deıdi belgili akter "Ýaqyt kórsetedi" baǵdarlamasyna bergen suhbatynda.