Leonıd Brıýmmer Taraz qalasynyń kelbetine 1000 kartına arnaǵan sýretshi

Taǵdyr tálkegimen dúnıeniń tórt buryshyn kezip, ómiriniń sońǵy 15 jylyn qazirgi Taraz shaharynda ótkizgen talantty sýretshi Leonıd Brıýmmerdiń týyndylaryn qalanyń tarıhı kelbetin kórýge bolady. Búginde onyń kartınalary oblystyq ólketaný murajaıynda jeke bóliminde qoıylǵan, dep jazady Qamshy.kz aqparat agenttigi. 

Talantty sýretshi Herson qalasynda dúnıege kelgen. Keıinnen Kıevtiń kórkemsýret ýchılıshesine túsip bilim alady. О́ziniń shyǵarmashylyq ǵumyrynyń 1,5 jylyn áıgili Ermıtajdy beıneleýge jumsaıdy. 1930 jyldary Brıýmmerdiń kartınalary áıgili bola bastaıdy. Onyń bir kartınasynda Kavkazdyń kóz toımas sulýlyǵy beınelense endi birinde Qyrymnyń kórkem beınesi kórinis tapty. Alaıda soǵys bastalǵan shaqta talantty sýretshi saıası qýǵyn-súrginge ushyryp áýeli Pavlodar oblysyna keıinnen Jambyl oblysyna jer aýdarylady. Murajaı mamandary sýretshiniń turmystyq jaǵdaıy múshkil bolǵanyna qaramastan onyń shyǵarmashalyqtan qol úzbegenin aıtady.

–Brıýmmerdi kózi kórgenderdiń aıtýynsha onyń turmystyq jaǵdaıy óte tómen bolǵan. Aıdaý men qýǵyn-súrginge qaramastan ol osynaý ǵajap dúnıelerdi beıneleı aldy. Ol óziniń osy bir súreńsiz kúnderiniń ózinen jarqyl tabýǵa tyrysty. Jáne bul onyń qolynan keldi. Sýretshi ǵumyrynyń sońǵy 15 jyly sol kezdegi Jambyl qalasynda ótti. Ol ózin osy qalada jaıly sezingeni sonshalyq shyǵarmashylyǵynda úlken órleý kezeńi bastaldy. Sýretshi qolynan qylqalamyn tastamastan Taraz qalasynyń sol kezdegi beınesin aına-qatesiz búgingi kúnge jetkize aldy,–deıdi oblystyq ólketaný murajaıynyń bólim meńgerýshisi Janna Qosalıeva.

Rasynda Leonıd Brıýmmer kartınalarynan Taraz qalasyndaǵy alańdar men saıabaqtardy, shyǵys bazarlaryn, Qarahan kesenesin kórýge bolady. Sýretshi tipti Taraz qalasyna arnap sıkldyq kartınalar da ázirlegen. Máselen «Jambyldaǵy kóktem», «Jaıma shýaq kún», «Qarahan», «Qarasý ózeninde», «Jambyl kóshelerinde», «Jaz» syndy kartınalaryn osy qatarǵa jatqyzýǵa bolady.

О́kinishtisi sol Leonıd Brıýmmerdiń shyǵarmashylyq áleýeti ol ómirden ótkennen keıin baryp qana moıyndalǵan. Tek Jambyl qalasyndaǵy 15 jyldyq ǵumyrynda sýretshi qala kelbetine arnalǵan 1000 jýyq kartına salǵan eken.