Jambylda jylytý maýsymy aldyndaǵy reıdter júrýde

О́rt qaýipsizdigimen qamtamasyz etý – azamattyq qorǵaý organdary qyzmetkerleriniń basty tapsyrmalarynyń biri. Aǵymdaǵy jyldyń aldyndaǵy jylytý maýsymynda, «О́rt qaýipsizdik aılyǵy» aıasynda Taraz qalasy Tótenshe jaǵdaılar basqarmasynyń, О́rt sóndirý qyzmetiniń, «QazTransGazAımaq» aksıonerlik qoǵamy Jambyl oblystyq fılıalynyń qyzmetkerleri, «Jibek joly» belsendi jastary volonterlarymen jáne jergilikti polısııa qyzmet qyzmetkerlerimen birlesip jeke sektordaǵy otbasy tómen turatyn turǵyndarymen aýla aralaý ótkizilýde jáne jylytý maýsym kezeńdegi órt qaýipsizdigi is sharalary týraly túsindirilýde.

Aralaý barasynda úı turǵyndaryna órt shyqqan kezdegi alǵashqy kezektegi áreketteri, turmystaǵy órt qaýipsizdik sharalary jetkizildi. Jylytý peshterin, elektr jabdyqtarynyń gazdyq qurylǵylarynyń kútip-ustaıǵa jáne paıdalanýǵa erekshe nazar aýdaryldy. Sonymen qatar kishkentaı balalardy úıde qaraýsyz qaldyrmaýǵa shaqyrdy. О́rt qaýipsizdiktiń qarapaıym erejelerin saqtamaý qaıǵyly oqıǵalar týdyrýy múmkin.

Qalada peshpen jylytatyn jeke úıler kóp, olar órt qaýipiniń turaqty faktory bolyp tabylady, sonyń saldarynan turǵyndardyń tunshyqtyrǵysh (ýly) gazben ýlanýy oryn alady. Kóbinese bul jaǵdaı kún raıynyń aıazdatýynan oryn alady, jylytý peshterin qoldanylǵannan bastalady, qoldanǵan kezde turǵyndar qarapaıym qaýipsizdik erejelerin saqtamaıdy. Peshterdi ornatý jáne paıdalaný mindetti túrde órt qaýipsizdigi normalaryn oryndaýdy talap etedi.

Árqashan este saqtaǵan jón, tunshyqtyrǵysh gaz óte « qaýipti», onyń eshqandaı túsi jáne ısi joq, bólmeler ishine tez taraıdy, qabyrǵa men zattarǵa qonbaıdy. Tunshyqtyrǵysh gazdan ýlaný ólimge ákelýi múmkin.

– Turǵyn úılerde órt qaýipsizdigin qamtamasyz etý, adamdardyń ómiri men densaýlyqtaryn saqtaý maqsatynda kelesideı órtke qarsy is-sharalardy oryndaý qajet. Atap aıtqanda, aqaýy bar nemese qoldan jasalǵan elektr jabdyqtaryn paıdalanbańyz, qosýly turǵan elektr jabdyqtaryn qaraýsyz qaldyrmańyz. Jylytý maýsymy aldynda pesh pen tútindikti kúıeden tazalap, janyp turǵan peshti qaraýsyz qaldyrmańyz, jas balalarǵa janyp jatqan peshti qaraýdy tapsyrmańyz. Sondaı-aq, otyndy, basqa da janǵysh zattar men materıaldardy pesh aldyna jaqyn ornalastyrýǵa tyıym salynady. Zattardy, kıimderdi peshke jaqyn keptirýge de bolmaıdy. Balalardy úlkenderdiń qaraýynsyz qaldyrý da úlken qaıǵyly jaǵdaıǵa ákelýi múmkin, – deıdi Taraz qalasy Tótenshe jaǵdaılar basqarmasynyń bas mamany Darhan Qaldyrbek.