• USD 389.52
  • EUR 429.21
  • RUB 6.07
  • CNY 54.94
17 Qazan, 12:14:52
Prezıdenttik jastar kadr rezervine irikteýdiń kelesi kezeńine 904 qatysýshy ótti

13 Qyrkúıek, 2019 Aımaqtar

Jyl ishinde 1014 adam jumyspen qamtylyp otyr

«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy asynda búginde Jambyl oblysynda jasalyp jatqan jumystar jeterlik. Joba jemisin kórgen jastar men azamattardyń Úkimetke degen alǵysy sheksiz. Sondaı-aq joba aıasynda tirligin tiktep jatqan shalǵaı eldi mekenderdegi turǵyndar da barshylyq dep jazady Qamshy.kz aqparat agenttigi. 

Máselen Jambyl aýdanynda «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda 2019 jyly 1 181 adamdy jumyspen qamtý josparlansa, esepti kezeńde 1 014 adam jumyspen qamtylyp, jospar 85,8 paıyzǵa oryndalǵan. Baǵdarlamanyń 1 baǵyty qatysýshylardy tehnıkalyq jáne kásiptik bilimmen jáne qysqa merzimdi kásiptik oqýmen qamtamasyz etý boıynsha respýblıkalyq bıýdjetten 41 mıllıon 905 myń teńge bólinip, 220 adamdy oqytý josparlanyp, 1-2 kezeń boıynsha 257 adam joldandy.

Baǵdarlamanyń 2 baǵyty jappaı kásipkerlikti damytý aıasynda 2019 jylǵa 120 adamdy kásipkerlik negizderin oqytýǵa, 140 jumyssyz azamattarǵa nesıe berý jáne 74 adamǵa jańa bıznes ıdeıalardy iske asyrýǵa arnalǵan memlekettik grant berý josparlanyp otyr.

Esepti kezeńde «Atameken kásipkerlik palatasy» arqyly 1-2 kezeń boıynsha 123 adam oqýǵa joldandy. 45 adamǵa 174,3 mıllıon teńge kóleminde shaǵyn nesıe berildi.

Baǵdarlamanyń 3 baǵyty halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý boıynsha azamattardy memlekettik, salalyq jáne óńirlik baǵdarlamalar aıasynda júrgiziletin qurylys jáne jóndeý jumystaryna tartý maqsatynda 2019 jyly 182,5 mıllıon teńge bólinip, bul qarajattarǵa 627 adamdy jumyspen qamtý josparlansa, esepti kezeńde naqty 589 adam ornalasty. Atap aıtqanda, áleýmettik jumys oryndaryna 108 adam (jospar – 100 adam), jastar tájirıbesi boıynsha 216 adam (jospar – 220 adam), aqyly qoǵamdyq jumystarǵa 265 adam (jospar – 307 adam).

Mine, joba osylaısha barynsha sharapatyn tógýde. Bir ǵana Jambyl aýdanynda 108 adam áleýmettik jumys oryndaryna, 216 azamat jastar tájirıbesi boıynsha, 265 ótinish bildirýshi qoǵamdyq jumystarǵa jumyldyrylýy bas barmaqpen baǵalaýǵa turarlyq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir