10 Qyrkúıek, 2019 NEWS
Almaty ákimdiginiń baspasóz ortalyǵynda ótken brıfıngte Alataý aýdanynyń ákimi Shahmerden Ryspaev jyl basynan beri qaraı aýdanda 1248 páterli 11 kópqabatty úılerdiń iske qosylǵandyǵyn habarlady. Olardyń jalpy kólemi – 77,8 myń sharshy metr.
Onyń málimeti boıynsha, jyl sońyna deıin 2724 páterli 43 kópqabatty úılerdi paıdalanýǵa berý josparlanǵan. Olardyń jalpy kólemi – 205 myń sharshy metr. 864 páterli 9 úı enetin «Alataý sıtı» turǵyn kesheniniń, 1120 páterli 11 úı enetin «Almaly» jáne 740 páterli 23 úı enetin «Alǵabas» turǵyn keshenderiniń qurylystary júrýde.
Bulardan ózge, 2016-2018 jyldary aýdanda 43 aýlaǵa kúrdeli jóndeý jumystary júrgizildi. Bıylǵy jyly 10 aýla kúrdeli jóndeledi, keler jyldary 53 aýla jóndeletin bolady.
Bıylǵy jyly 20 kópqabatty úılerdi jóndeý josparlanǵan. Osyǵan oraı, «Turǵyn úı» JShS jáne PIK tóraǵalarymen, basqarýshy kompanııalarmen turǵyndardyń kezdesýleri ótti, nátıjesinde 32 úıler turǵyndary modernızasııalaý baǵdarlamasyna qatysýǵa nıet bildirdi. Olardyń ishinde eki úıdiń jóndeý jumystary aıaqtaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir