Úkimet basshysynyń keńesshisi taǵaıyndaldy

QR Premer-mınıstriniń keńesshisi – baspasóz hatshysy bolyp Qazaqparat Agenttiginiń tilshisi Sadyq Ákijanov (Sadyk Akıjanov) taǵaıyndaldy, dep jazady Qamshy.kz aqparat agenttigi. Bul týraly jýrnalıst, ǵalym Darhan Qydyráli óziniń feısbýktaǵy paraqshasynda jazdy.

"О́z isine qaltqysyz berilgen qarapaıym jýrnalıstiń jaýapty qyzmetke kelgenine qýanyp otyrmyn.

Saıası saraptamalary men aqparattyq sıpattaǵy maqalalaryn burynnan oqyp júrgenimmen, Sadyqty byltyr Nıý-Iork saparynda jaqynnan tanydym. Qazaq, aǵylshyn, qytaı, orys tilderin jetik meńgergen onyń qazaqy bolmysyna, elgezek minezine tánti boldym.

Áriptesime qutty bolsyn aıta otyryp, sáttilik tileımin!" deıdi "Egemen Qazaqstan" gazetiniń Basqarma Tóraǵasy.