• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:25:33
Qazaqstanda másele sheshilý úshin aldymen adam ólýi kerek

23 Tamyz, 2019 NEWS

Ýnıversıtet tańdaǵanda nege mán berý kerek?

2021 jyldan bastap elimizdiń joǵary oqý oryndary memlekettik úlgidegi emes, óz dıplomdaryn beretin bolady.

QR Bilim jáne ǵylym mınıstrligi talapkerler joǵary oqý ornyn tańdaǵanda nege nazar aýdarý kerek ekenin aıtty, –  Qamshy.kz aqparat agenttigi.

"Qazirgi ýaqytta joǵary oqý oryndaryna túsý boıynsha ótinishterdi qabyldaý úrdisi jalǵasýda.

QR BǴM talapkerler men stýdentterdiń múddelerin qorǵaý sheńberinde bilim berý sapasyn qamtamasyz etý maqsatyndaǵy óz jumysyn kúsheıtip, joǵary oqý oryndarynyń qyzmetine qatysty tekserýler júrgizýde. Jospardan tys júrgizilgen tekserýlerdiń nátıjesinde birqatar joǵary oqý oryndarynda buzýshylyqtar anyqtalyp otyr. Atap aıtsaq, Shymkent aımaqtyq áleýmettik-ınnovasııalyq ýnıversıteti men "Astana" ýnıversıtetinde.

Osyǵan baılanysty, talapkerler kelesi máselelerge nazar aýdarǵandary jón.

Birinshiden, joǵary oqý ornyna ótinish berý týraly sheshim qabyldaǵan kezde Qazaqstanda tirkelmegen sheteldik oqý oryndarynyń nemese lısenzııasyz jumys isteıtin ókildikterdiń qyzmeti zańdy emes ekendigin jáne atalǵan bilim berý uıymdary tarapynan beriletin qujattardyń kúshi joq ekenin eskerińiz.


Ekinshiden, tómendegi talaptarǵa mán berý kerek:

- joǵary oqý ornynda bilim berý qyzmetin júrgizý quqyǵy boıynsha lısenzııanyń bolýy (2007 jyldan keıin berilgen);
- JOO-nyń akkredıtasııadan ótýi men akkredıttelgen bilim berý baǵdarlamalarynyń bolýy;
- jumys berýshiler reıtıngisindegi JOO-nyń orny, oqý ornynyń jumys berýshiler arasyndaǵy tanymaldylyǵy jáne bilim berý baǵdarlamalarynyń sapasy.

Osy oraıda, talapkerlerdi durys tańdaý jasaýǵa shaqyramyz!

Esterińizge sala keteıik, 2021 jyldan bastap elimizdiń joǵary oqý oryndary memlekettik úlgidegi emes, óz dıplomdaryn beretin bolady jáne jumysqa qabyldaý kezinde jumys berýshilermen naqty JOO-nyń bedeli eskeriletin bolady.

Qazaqstanda halyqaralyq arenada da básekelestikke tótep bere alatyn laıyqty jáne myqty joǵary oqý oryndarynyń qatary qalyń. О́kinishke oraı, básekege qabiletti joǵary oqý oryndarymen qatar "álsizderi" de bilim berý úrdisine kiristirilgen. Osy rette, atalǵan joǵary oqý oryndary boıynsha jumys júrgizip, sapany qamtamasyz etý boıynsha tıisti sharalar qabyldaý qajet" – delingen mınıstrlik málimdemesinde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir