Jambylda jıyn-terin naýqany qyzý júrip jatyr

Elbasynyń «100 naqty qadam» Ult josparynyń ustanǵan basym baǵyttarynyń biri – aýyl sharýashylyǵyn alshań bastyryp, ekonomıkanyń negizgi draıverine aınaldyrý ekeni belgili. Osy oraıda Jambyl oblysynda agro salada alshań basqan tirlik jeterlik dep jazady Qamshy.kz aqparat agenttigi. Ásirese shalǵaı aýyldardaǵy tirlik kóz súısindiredi. Máselen Sarysý aýdany Túrkistan aýyldyq okrýgi Úshbas aýylynda egin sharýashylyǵy 0,4 mln. teńgeni qurap, 98,3 %-dy paıyzǵa oryndalyp otyr. Jospar jyl sońyna deıin tolyqtaı mejelenedi.

Aýdanda 20 138,0 gektar jer aıdalyp, 4 524,0 gektarǵa jazdyq masaqty dándi daqyldar, 4 449,0 gektarǵa kóp jyldyq shóp, 7 100,0 gektarǵa maıly daqyl (maqsary), dándik júgeri 1 000,0 gektar, kartop 40,0 gektarǵa, kókenis pen baqsha 525,0 gektarǵa egilgen.

Kórsetkish ótken jylmen salystyrǵanda 579 gektarǵa nemese 3,0 %-ǵa artyp otyr.

Sý únemdeý tehnologııasy Jańatalap aýyldyq okrýginde «Jantóre-Saýdakent» JShS-de iske asyryldy.

Tamshylatyp sýǵarý tehnologııasyn paıdalana otyryp, 25,0 gektar dándik júgeri, 25,0 gektar pııaz jáne 10,0 gektar baqsha daqyldary ornalastyryldy.

Aýdan boıynsha tirkelgen aýyl sharýashylyǵy tehnıkalarynyń sany – 829, onyń ishinde traktorlar – 407, kombaındar – 27, qosalqy qurylǵylar men traktor tirkemeleri – 341, jol qurylys tehnıkalary - 54.

Aýyl sharýashylyǵy tehnıkalarynyń jańarý úrdisi boıynsha «Saýdakent Kredıttik Seriktestigi» JShS-i arqyly 3 sharýa qojalyq 40,2 mln. teńge nesıe aldy.

Onda, Belarýs-1221, Belarýs 892,2 traktorlaryn jáne 6 qosalqy qurylǵysyn satyp alynǵan.

Qazirgi ýaqytta 2 sharýa qojalyq 2 dana Belarýs 82,1 traktoryn jáne 1 qosalqy qurylǵysyn alýǵa qujattaryn rásimdeýde.

Sonymen qatar, «Jantóre–Saýdakent» JShS jáne «Báıimbet» sharýa qojalyǵy 53,5 mln. teńgege Qytaıdyń IýTO-2204 jáne Belarýs 82,1 traktorlaryn lızıngke alǵan.

Aýdandaǵy 2 sý qoımasy (Yntaly, Búrkitti) jáne sýarmaly egistik jerlerge arnalǵan ishki kanaldardyń barlyǵy «Qazsýshar» RMK teńgerimine (respýblıkalyq menshikke) ótkizilgen (sýarmaly egistik jer kólemi 3 780,0 ga,

onyń ishinde 3 628,6 ga jerge aýyl sharýashylyǵy daqyldary ornalastyrylǵan).

Osylaısha sarysýlyqtar «qys shanasyn jaz saılap», naýqandyq jumysqa jumyla atsalysýda. «Qoly qımyldaǵannyń erni de qımyldaıtynyn» sharýalar jiti túsingeni qýantady.