• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:32:27
Qazaqstanda másele sheshilý úshin aldymen adam ólýi kerek

19 Tamyz, 2019 Aımaqtar

Jambyl oblysynyń 80 jyldyǵy oraı «Shahrıstan» etno-tarıhı kesheni paıdalanýǵa berilmek

Oblys ákiminiń sáýlet jáne qala qurylysy basqarmasynyń sáýlettik bıýro mekemesiniń dırektory Arman Ábdeshov «Shahrıstan» etno-tarıhı kesheni aýmaǵynda qurylys jumystarynda orta ǵasyrlyq shyǵystyq sáýlet stıliniń qoldanylyp jatqanyn aıtady.

Bıyl qurylǵanyna 80 jyl tolatyn Jambyl oblysynyń mereıtoıy qarsańynda «Shahrıstan» etno-tarıhı kesheni paıdalanýǵa berilip, negizgi sharalar legi osynda uıymdastyrylmaq. Búgingi tańda kezinde Taraz qalasyndaǵy eń iri saýda ortalyǵy bolǵan keshen aýmaǵynda qurylys jumystary qarqyndy júrgizilip jatyr dep jazady Qamshy.kz aqparat agenttigi. 

Oblys ákiminiń sáýlet jáne qala qurylysy basqarmasynyń sáýlettik bıýro mekemesiniń dırektory Arman Ábdeshov «Shahrıstan» etno-tarıhı kesheni aýmaǵynda qurylys jumystarynda orta ǵasyrlyq shyǵystyq sáýlet stıliniń qoldanylyp jatqanyn aıtady.

– Burynǵy kók bazar aýmaǵyndaǵy «Shahrıstan» saýda ortalyǵynyń ornynda boı kóteretin etno-tarıhı keshen qurylysynda kóne Taraz qalasyn kóz aldymyzǵa ákeletin ortaǵasyrlyq shyǵys sáýlet úlgisi paıdalanyp jatyr. Bul naqyshtaǵy nysandardyń týrıster arasyndaǵy keń suranysqa ıe ekenindigi belgili. Demek osy keshen arqyly Tarazǵa kóptep týrıster tartý múmkindigine qol jetkizemiz. Shyǵystyq úlgidegi sáýlet óneriniń ereksheligin taný maqsatynda jambyldyq sáýletshiler О́zbekstan memleketinde boldy. Olardyń tájirıbesin biz qurylys jumystaryn qoldanyp jatyrmyz,– deıdi A. Ábdeshov.

Jalpy keshen aýmaǵynda qolóner sheberleri men «Kórkemdik-beıneleý óneri» galereıasy, «Rýhanııat» ortalyǵy, oblystyq ólketaný murajaıy, «Kórme» pavılony syndy nysandardyń qurylysy júrgizilip jatyr. Qurylys jumystaryna jergilikti bıýdjetten qarastyrylǵan qarjy kólemi 3 mıllıard 76,4 mıllıon teńgeni quraıdy. «Shahrıstannyń» shyraıyn keltirý isine «KDMC» jáne «О́mirzaq» jaýapkershiligi shekteýli seriktestikteriniń 143 jumysshysy men 10 tehnıkasy jumyldyryldy.

Sondaı-aq burynǵy kók bazar mańyndaǵy aqyn Jambyl Jabaev eskertshiniń ornyna «Saǵat» stellasy salynýda. Qalanyń kez-kelgen buryshynan kórinetin bul nysan da tarıhı Taraz týrızminiń boıtumaryna aınalmaq.

Aıta ketý kerek aǵymdaǵy jyly 80 jyldyq mereıtoıyn toıyn toılaýǵa daıyndalyp jatqan Jambyl oblysy 1939 jyldyń qazan aıynda qurylǵan bolatyn. Ár jyldary Túrkistan keńestik respýblıkasynyń, Syrdarııa, Ońtústik Qazaqstan oblystarynyń, Almaty okrýginiń quramyna kirgen oblys osylaıshaderbes aımaqqa aınalyp, damýdyń dańǵylyna túsken-di.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir