Jambylda jol qurylysy jiti baqylaýda

Jol qadirin júrgen biledi. Al sapasyz jol júrgizýshiniń de, jolaýshynyń da júıkesine tıeri daýsyz. Osy oraıda О́ńirlerdi damytý memlekettik baǵdarlamasynan bastaý alyp, bıyo «Aýyl – el besigi» jobasy aıasynda júıesin taýyp jatqan tirlikter qýantady. Mundaı aýqymda bastamalar Jambyl oblysy T.Rysqulov aýdanynda da tetigin tabýda dep jazady Qamshy.kz aqparat agenttigi. 

Búginde aýdandaǵy eldi mekenge mańyzy bar avtomobıl joldarynyń uzyndyǵy 100,03 shaqyrymdy qurasa, aýyldardaǵıa kóshelerdiń jalpy uzyndyǵy-309,7 shaqyrym.

2019 jyly 8,8 shaqyrym eki aýdandyq mańyzy bar avtomobıl joldaryn jóndeýge («Qaraqat aýylyna kire beris» 2,1 shaqyrym 36 515,7 myń teńge jáne «Tereńózek-Kókaryq-Sholaqqaıyndy» 6,72 shaqyrym 119 926,9 myń.teńge) barlyǵy 156 442,7 myń teńge qarajat mólsherinde avtomobıl joldaryn ortasha jóndeý jumystary bastalýda. 240 337,0 myń teńgege 22,4 shaqyrym 23 kóshe joldaryn ortasha jóndeý maqsatynda memlekettik satyp alý konkýrsy oınatylýda. Nátıjesinde jalpy 2019 jyly 396 779,7 myń teńgege aýdan boıynsha avtomobıl jáne kóshe joldary jóndeledi.Aýdandyq bıýdjetten 6 dana baǵdarshamdy kútip-ustaýǵa 3600,0 myń teńge bólinip, bardarshamdar kútip ustalýda. Aýdan shekarasynan Respýblıkalyq mańyzy bar 96 shaqyrym avtomobıl joldary ótedi.

Qysqy-jazǵy maýsymdarynda 409-453 shaqyrym aralyǵyn 44 shaqyrym «DEÝ-82» JShS-i, 357-409 shaqyrym aralyǵyn 52 shaqyrym «DEÝ-35» JShS-i qyzmet kórsetedi.

Jolaýshylardy jáne júk tasymaldaýmen jekemenshik nysandaǵy 2 tasymaldaýshy aınalysady. Aýdan ortalyǵynan Taraz qalasyna jáne eldi mekenderge avtobýs baǵyttary uıymdastyrylǵan. Uıymdastyrylǵan marshrýttar ishinde oblysishilik, qalaaralyq 1 marshrýt, aýdanaralyq 5 marshrýt bar.Aýdan aýmaǵynda 11 baǵytta marshrýt qarastyrylǵan. 2017 jyldyń sáýir aıynda «Qulan-logıstık» JShS-i aýdanda 5 jylǵa jolaýshylardy tasymaldaý qyzmeti quqyǵyna ıe boldy. Aýdan boıynsha 100 adamnan asatyn eldi mekenderdi qoǵamdyq kólikpen qamtý boıynsha 39 eldi mekenniń barlyǵy jolaýshylar tasymaldaıtyn kólikpen qamtylǵan.

Mine, osylaısha qulandyqtar tasymal men tas joldardyń máselesin kezeń-kezeńimen sheshýde. Bul árıne eń birinshi el erteńi, halyqtyń keleshegi úshin jasalyp jatqan dúnıe ekeni daýsyz.

Árıne, memlekettik baǵdarlamalar bolmasa mundaı ıgilikti kórý múmkin emes. Sondyqtan qulandyqtar Memleket basshysy Qasym-Jomart

Toqaevqa jáne oblys ákimi Asqar Myrzahmetovke tek alǵystaryn aıtýda. Al halyqtyń alǵysynan artyq eshteńke joq ekeni taǵy aıqyn.