• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:06:53
Latyn álipbıine kóshý máseleleri semınar-keńeste sóz boldy

17 Tamyz, 2019 NEWS

Danıal Ahmetov 100 jasqa kelgen keıýanany quttyqtady

Qos ǵasyrdyń kýágeri bolǵan Gúljazıra Nursaparqyzy 1919 jyly Katon-Qaraǵaı aýdanynda dúnıege kelgen.

Ǵıbratty ǵumyry ǵasyrǵa attap, ómir belesiniń eń bıik zańǵaryna shyqqan О́skemen qalasynyń turǵyny, tyl eńbekkeri, kópbalaly ana Gúljazıra Nursaparqyzyn aımaq basshysy mereıli mereıtoıymen quttyqtady. Aq jaýlyq jaýyp, izgi tilegin joldady, – dep habarlaıdy Qamshy.kz aqparat agenttigi ShQO aqparattyq ortalyǵyna silteme jasap. 

Qos ǵasyrdyń kýágeri bolǵan Gúljazıra Nursaparqyzy 1919 jyly Katon-Qaraǵaı aýdanynda dúnıege kelgen. 8 bala ómirge ákelip, sońynan ergen 5 baýyr-sińlisin ósirip, jetkizdi. О́mirlik serigi, soǵys ardageri, ekinshi, úshinshi dárejeli Dańq ordeniniń ıegeri marqum Mamyrbek aqsaqalmen birge ómirdegi baqytty adal eńbek pen ónegeli urpaqtan tapqan jandar. Búginde on nemere men on shóberesiniń baǵa jetpes qazynasy.

– Elbasymyz "Jer betindegi jaqsylyq, izgilik, qaıyrymdylyq ataýlynyń bári de ananyń aq sútinen taraıdy" degen edi. Ana – adamzattyń qaınar kózi, al kópbalaly ana – ulttyń qundylyǵy men berekesi, ulttyq tárbıeniń, dańqty dástúriniń bastaýy. О́skeleń urpaqtyń ózińizden alar murasy mol. Sonaý qýǵyn-súrgin kezeńinde otbasyńyzdyń taǵdyryna túsken qıyndyqqa qaramastan, 15 jasyńyzda qıyndyqtan qoryqpaı, asyl anańyz ben baýyrlaryńyzǵa qamqor bola bildińiz. Sizge zor densaýlyq, mol baqyt, áýletine bereke-birlik tileımin, – dedi keıýanaǵa aqjarma tilegin joldaǵan aımaq basshysy Danıal Ahmetov.

Ájeıdiń ákesi "halyq jaýy" dep aıyptalǵannan keıin naǵashy aǵasy anasy men baýyrlaryn alyp, Qytaıǵa bet alady. Shekaraǵa jetken soń olardy qaldyryp aýyldaǵy maldy aıdap alyp ketýge ketedi. Biraq qaıtyp oralmaıdy, sebebi ony da ustap alady. Bul habardy estigen 15 jastaǵy Gúljazıra 160 shaqyrymdy artqa tastap, anasy men baýyrlaryn taýyp, belýardan asqan qardy ombylaı olardy aýylǵa alyp keledi.

– Anam "bir úzim nan tapsa da" dep inilerin týǵan-týystaryna malshy, jalshy etip qaldyrady. Al anasyn týysqan shalǵa áıeldikke beredi. Bunyń bári qıyn kezeńde olar ashtan qatpasyn degen qamqorlyǵy edi. Eń kishi inisin baýyryna basyp, qolyna aldy. Ákem ekeýi biraz ýaqyttan soń barlyq baýyrlaryn ózderi ósirip, jetkizedi. Jalpy anam óte aqkóńil, ár nárseden jaqsylyq kóretin adam. Sýyryp-salma aqyndyǵy da bar. Sońǵy jarty jylda densaýlyǵy syr berip qaldy, áıtpese búgin de bir shýmaq óleńin shyǵaryp tastaıtyn edi, – deıdi abzal ananyń uly Orynbek Álimbaev.

Elimizdiń ǵasyrǵa jýyq damý tarıhynyń kýágeri Gúljazıra Nursaparqyzynyń ómir joly jastarǵa ónege ekenin atap ótken oblys ákimi Danıal Ahmetov ájeı týraly kitap jazý qajettigin aıtty. Ulttyń asyl qazynasy – aqjaýlyqty ájelerdiń ónegesi qashanda sabaqtastyq taýyp, urpaqtan-urpaqqa jalǵasýy qajet.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir