• USD 378.65
  • EUR 430.07
  • RUB 6
  • CNY 55.1
26 Tamyz, 14:22:29
Nyǵmatýlın Parlamenttiń qos palatasyn birlesken otyrysqa shaqyrdy

08 Tamyz, 2019 Álemde

Eki balasy men kúıeýin ýlap óltirgen áıel 24 jylǵa sottaldy.

Tergeý nusqasy boıynsha, Mavlýda Odılova óz otbasyn aýyl sharýashylyǵynda paıdalanylatyn ammıak selıtrasymen ýlaǵan.

Tájikstanda Kýlıab aımaqtyq soty eki balasy men kúıeýin ýlap óltirgen áıeldi 24 jylǵa sottady dep habarlaıdy Qamshy.kz aqparat agenttigi centralasian.org saıtyna silteme jasap.

Tergeý nusqasy boıynsha, Mavlýda Odılova óz otbasyn aýyl sharýashylyǵynda paıdalanylatyn ammıak selıtrasymen ýlaǵan. Bul týraly Azattyqtyń tájik qyzmetine sottaǵy derekkóz habarlady. Onyń aıtýynsha, Odılovanyń eki balasy men kúıeýi ótken jyly ý qosylǵan tamaqtan qaza bolǵan.

"Sot aıyptalýshynyń kámelet jasqa tolmaǵan balasy baryn eskergen. Mavlýda Odılova jazasyn jalpy rejımdegi kolonııada óteıdi" dedi derekkóz.

Sottalýshynyń týystary men jaqyndary sot sheshimine qatysty pikir bildirýden bas tartty. Olardyń sot sheshimine shaǵym túsirer-túsirmesi ázirge belgisiz.

Buǵan deıin kúdiktiniń anasy Mýslıma Holova qyzy kináli emestigin, óıtkeni ol da balalary men kúıeýi sekildi astan ýlanyp qalǵanyn aıtqan edi. Mavlýda Odılova tergeýshilerge óz balalary men kúıeýine qastandyq oılamaǵanyn málimdegen.

"Odılova kinásin moıyndaǵan, biraq keıin aıtqan sózderinen bas tartqan. Prokýratýra onyń kisi ýlaýǵa qatysy baryn anyqtaǵan soń, Odılova qamaýǵa alyndy" dedi derekkóz.

Jergilikti aqparat quraldarynyń habarlaýynsha, Mavlýda Olılova daıyndaǵan tamaqtan barlyǵy toǵyz adam ýlanǵan. Dárigerler onyń bir jarym jastaǵy balasyn, atasy men enesin ajaldan aman alyp qalǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir