AQSh prezıdenti Donald Tramp RF prezıdenti Vladımır Pýtınge telefon soǵyp, orman órtin óshirýge kómektesýdi usyndy dep habarlaıdy Qamshy.kz aqparat agenttigi HAA TASS agenttigine silteme jasap.
«Búgin keshkisin Amerıka tarapynyń bastamasymen Vladımır Pýtın men Donald Tramp telefon arqyly sóılesti. AQSh prezıdenti Reseıge Sibirdegi orman órtin sóndirýge kómektesýdi usyndy», - dep málimdedi Kremldiń baspasóz qyzmeti.
RF Prezıdenti Trampqa kómegin usynǵany úshin shynaıy alǵys bildirip, qajet bolǵanda Reseı ol kómekti paıdalanatynyn aıtqan. Pýtın amerıkalyq áriptesiniń osy usynysyn aldaǵy ýaqytta Máskeý men Vashıngton arasyndaǵy qatynastardy tolyq qalpyna keltirýdiń kepili retinde baǵalady.
Eki eldiń prezıdentteri aradaǵy baılanysty jalǵastyrmaq. "Pýtın men Tramp baılanystardy telefon arqyly da, betpe-bet te jalǵastyrýǵa kelisti», - delingen baspasóz habarlamasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir