Tarazdaǵy jańa shaǵyn aýdanda kópqabatty turǵyn úıler salynyp jatyr

Jambyl oblysynyń ortalyǵy sanalatyn kóne Taraz qalasy kúnnen-kúnge túrlenip kele jatyr desek, artyq aıtpaǵandyǵymyz. О́ıtkeni, birneshe jyldan beri eki myń jyldyq tarıhy bar Taraz shaharynda jańa shaǵyn aýdandar ashylyp jatyr.  Qalanyń kórikti kelbetine odan saıyn ár beretin jańa aýdandardaǵy bıik-bıik úıler de kózdiń jaýyn alady. Jáne kópqabatty úılkerdiń sany kún ótken saıyn artyp keledi.

Máselen, Taraz qalasyndaǵy jańa 15-shaǵyn aýdanda bıyl 80 jáne 60 páterli 25 kópqabatty turǵyn úıdiń qurylysy júrgizilip jatyr. Bul jaǵymdy jańalyq týraly Jambyl oblysyndaǵy О́ńirlik kommýnıkasııalar qyzmetiniń alańynda qala ákimi Qaırat Dosaev aıtty.

«Qazirgi tańda Súleımenov kóshesiniń sońyndaǵy 362 gektarda 15-shi móltek aýdanynyń qurylysy júrgizilip jatyr. Onda «Nurly jer» turǵyn úı qurylysy baǵdarlamasy aıasynda 10 300 otbasyna arnalǵan 280 kópqabatty turǵyn úı boı kótermek. Qazirgi tańda 25 úı salynyp jatyr. Salynyp jatqan qurylys alqaptarynda baılanys, káriz, sý jáne gaz qubyrlary jelileriniń qurylystary aıaqtalyp, elektrmen qamtý, ishki kvartaldyq kólik jolynyń jáne jylý jelileriniń qurylysy iske asyrylyp jatyr. Búgingi tańda 80 páterli 10 turǵyn úı paıdalanýǵa berilgen»,- dedi qala basshysy Qaırat Áskerbekuly.

Sondaı-aq, Qaırat Áskerbekulynyń aıtýynsha, 15-jańa shaǵyn aýdan aýmaǵynda jeke turǵyn úıler qurylysyn júrgizý úshin 555 jer telimi bólingen. Atalǵan jer telimderine jeke ınvestorlar nesıege beriletin biryńǵaı sáýlettik stıldegi kottedjdik úılerdiń qurylysyn júrgizedi dep josparlanyp jatyr. Dál qazir onyń 255-i boıynsha 4 merdigermen kelisimshart jasalǵan.

Jańa aýdanda sý jańa kópqabatty úılerdiń boı kóterip jatqany Taraz turǵyndary úshin jaqsy jańalyq bolǵany sózsiz. О́ıtkeni, qazir qala boıynsha 16 054 tarazdyq turǵyn úı kezeginde tur.

Tarazdyqtardyń turǵyn úı máselesin sheshý maqsatynda oblys ákimdigi tarapynan budan bólek te birneshe jobalar jasalynyp, sý jańa kópqabatty úıler salynyp jatyr. Turǵyndardyń baspana máselesinde sheshýde kóp balaly, jalǵyzilikti analardyń, asyraýshysynan aıyrylǵan nemese asyraýshysy jumysqa jaramsyz otbasylardyń, múmkindigi shekteýli múgedek azamattardyń talap-tilketeri birinshi kezekte tur.