• USD 424.85

  • EUR 504.21

  • RUB 5.84

  • CNY 65.86

24 Qazan, 19:14:26
Almaty
+5°

26 Shilde, 2019 Saıasat

Senim keńesi senimsiz adamdardan quryldy ma?

Quramy anyqtalǵanyna apta bolǵan Ulttyq qoǵamdyq senim keńesiniń tóńiregindegi gý-gý áńgime áli de basylar emes. Muny áńgimeden góri syn, senimsizdik, kúdik pen kúmán degen dálirek bolar.

Keshe keńes quramyndaǵy jýrnalıst Dáýren Qýat eldi sabyrǵa, áliptiń artyn, istiń barysyn baǵýǵa shaqyryp, jaqsylyqtan úmit úzbeıik dep úndeý tastady. Alaıda sol úmit otyn bıliktiń ózi sóndirip otyrǵan joq pa?!

Bul sóz aryǵa barmaǵanda Jákishevtiń kúni keshegi sotta merziminen buryn bosatylmaýyn tilge tıek etsek te jetip qalatyn shyǵar. Iá, kópshilik Jákishev bostandyqqa shyǵady dep kútti. Bıliktiń dıalog qurý áreketterin jaqsylyqqa joryǵan jurt Semeıdegi istiń oń sheshiletinine sendi. Biraq senim aqtalmady. Bul keri prosesti iske qosty. Qoǵamdyq kúdik kúsheıip, joǵary jaqtyń jaqyndasý pıǵylyna kúmán qoıýlana tústi.

Kúmánniń qoıýlanýyna áser etken taǵy bir másele – jer daýy. Parlament ary qarap, beri qarap áleýmettik tolqýdan keıin moratorıı jarııalanǵan "sheteldikterge jer berý týraly" baptardy ózgerissiz kúıinde atalǵan keńes qaraýyna berdi. Bitpeıtin bul ne degen talqylaý?! Oǵan deıin jer komıssııasy árqaısysy 4-7 saǵatqa sozylǵan 8 otyrys ótkizip, talqylaýdyń «túbin» túsirdi emes pe?! Sondaǵy qaralatyny "jer sheteldikterge jalǵa berile me, jekemenshikke satyla ma?" degen eki suraq. Bul máseledegi halyq ustanymy ámbege aıan. Endi sony sózbuıdaǵa salyp, eldiń júıkesin jún qyp tútken kimge opa? Basy ashyq máseleni saǵyzsha sozǵandaǵy «bıliktiń oılaǵany jerdi túbi satý» dep júrgen oppozısııa sózi ras bolǵany ma?

Osyndaıda "qoǵamdyq keńes aldaýsyratqysh aıla" dep júrgenderdiń sózinde jan bar ma dep qalasyń. Áıtpese, úkimet, parlament barda ózge dıalog alańynyń qajeti ne?! Ol organdardyń negizgi qyzmeti bılik pen halyq arasynda altyn kópir qurý emes pe edi?! Demek bılik jarııaly bolmasa da atalǵan organdardyń buqaramen baılanys ornata almaı otyrǵanyn moıyndap otyr. Biraq bul da keńes qurýǵa sebep emes-ti. Eldi ne tolǵantatyny, qazaq qoǵamynyń aınasyna aınalǵan feısbýkte-aq kórinip tur ǵoı. Monıtorıng jasaıtyn adamdardy aıtpaǵanda, búginde árbir ákim, mınıstr áleýmettik jelige tirkelgen. Bárin kórip, bilip otyr. Biraq máseleni sheshýdiń ornyna Londonǵa barǵan saparynan vıdeo salyp, álem astanasynyń keremettigin aıtýda.

Jaýyr bolsa da aıtaıyq, senim keńesine selkeý túsirip turǵan sebeptiń biri – onyń quramy. Ony joǵary jaqtyń ózi jasaqtady. Depýtattardy aıtpaǵanda sarapshy degenderdiń birli jarymy bolmasa, deni ógizdi de óltirmeı, arbany da syndyrmaı júıeni synaǵansyp júrgender. Prezıdent saılaýynan soń olardyń kóbinen kópshiliktiń kóńili ábden qalǵan. Osylaısha, senim keńesi senimsiz adamdardan quryldy ma degen saýal týady.

Qamshyger

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir